今日學校一年一度ge運動會，

                                     我有幸能做工作人員之職位。

                                                                          但係係做「跑腿」喎，超tired！！！

由於之前我媽參加左免費去海洋公園的活動，所以我地今日一家同我舅舅一家就去左海洋公園啦！

去到先參加左熊貓園睇熊貓：D熊貓超正呀，可以日日夜夜有冷氣淡，不過佢地係國寶，我係咩水

先得架！^_^跟住就兒童王國玩左D超級低B遊戲：砵砵火車頭，升空奇遇。大家覺得山下冇野就

去坐纜車過對面。纜車呢超多人，大塞車，差唔多等左半小時到啦就有啦！一坐上去，見到下面D

景色好靚呀，一D都唔驚，仲好大風添！因為就來到萬聖節啦，所以海洋公園掛左好多裝飾物，製

造氣氛。先去水母萬花筒：水母超靚呀，特別係細果D，好像水晶，好精緻；大個D我覺得就唔係

好得意啦！跟住去海洋館：有成千上萬種的魚(誇大)有魔鬼魚，有海龜，仲有好多我唔知佢咩名ge

魚，所以話海底世界的生物真係超奧妙。跟住就去玩一種超級刺激的機動遊戲—瘋狂過山車。大概

一聽呢個名都已經知佢有刺激啦！開始玩啦：上斜坡(唔驚)，到側行(都OK)，嘩……跟住要轉一個

0字圈，超驚呀我，係咁尖叫，心都跳埋出來咁濟。一個未夠，再整多一個，第二個個比之前個個仲

恐怖，我直程唔敢望呀，咪埋眼，係咁少叫…終於停啦！落左車，個個都話我面青口唇白，連行路都

要我爸同舅父扶。手震到連攞一支水，里面D水都係度震，超勁！過左好耐都好驚，想嘔又嘔唔出。好

辛苦呀呀呀呀……最後去睇埋鯊魚館，就坐電梯去大樹灣。係途中我遇到一個同班同學，同佢傾左幾句，

就走啦！返屋企啦！

返到屋企，我堂姐MSN add我話星期三去迪士尼喎。我心諗我近排係唔係行緊運呀？我妹幼稚園話去海

洋公園有我份，學校同一日同一個活動話去海洋公園又抽到我(一班得3個咋，咁都有我份)，不過我知係

同一日所以冇去讓左比人，同屋企人一起去。去完海洋，又話有門票去迪士尼，超好啊啊啊…

昨晚喎，好大風喎，我件校服被風吹吹吹走咗。我同我阿媽落下面搵，搵咗成晚都搵唔到。惟有聽日

穿體育服返學啦！((明天))我穿著體育服，一到門口，被Prefect捉，跟住又話唔可以帶項鍊要

向學校申請，好鬼麻煩。返到課室，女仔我就話比佢地聽原因，至於男仔就唔好理啦咁！

下午啦！最尾兩堂係中文堂。不過几乎兩堂都冇咩點上囉。都係講D鎖碎野：講助養小朋友，其實我

一早都想咁架啦！只不過家人唔支持加上自己又冇經濟能力，咪冇得囉。點知學校咁好人，比我地一班

助一個小朋友，結果30比11Win咗啦！哈哈...跟住選埋D未選ge班會職員，有財政啦，康樂啦，仲有文

書。不嬲我都以為自己冇可能會參選到班會架啦！(冇人提名)最尾選文書啦，有人提名我喎，就係我隔離

啦！話我成日話佢寫字校雖喎。(有咩？)有五個提名人，我又係最後先投ge，諗住冇咩可能可以捱到最後

架啦！點知D男仔係咁話唔好投其他人話要投我喎，都唔知佢地點諗ge，最後以22高票得選。

我都幾開心架可以做班會職員。有個男仔仲話：「一個成功女人ge背後，一定有一班爛朋友。」

呵呵呵...跟住我同同學去買校服。買完接妹，返到樓下，大堂果度竟然掛住我件校服，唔知邊個好心人呢？

不過又搞到我要去買多件，西錢。