今日係開學的第二日，朝頭早落大雨，搞到我返到學校非常非常狼狽—好黑仔呀！

終於見到個正班主任，即係女班主任。我見佢個樣好像好兇惡，以後都係聽話d好d。

其實不嬲我都係好學生來架啦！

老師今日調位呀！一定要同男仔坐架啦！好彩同我坐個個男仔以前都識，

況且隔離左右前後都識識地啦，唔會一個人咁悶、孤單、寂寞。

小息又去咗二樓行咗一個圈，見下d Form1仔，又諗起我舊年咁ge情景——  一個都唔識。

又要去禮堂聽野，聽到一半覺得好肚餓。~~

跟住就返屋企啦！又係落好好大雨喎，好彩冇變成落湯雞姐！

聽日開始就正正式式上堂啦，要比心機呀呀呀呀呀呀！

以後ge每一個上課天都要好專心咁聽書，咁先有好成績架嘛。

今日係9月3日，又是開學ge第一日，我昨晚唔知係唔係興奮過頭，睡唔著喎。

今朝又6：30起咗身。搞掂曬之後，就好開心咁踏出家門。

返到學校，門口成排Prefect係度好像開聯歡會咁Happy，又唔比人過喎，

搞到我要行側門。去到操場，又係水泄不通，就好像去年我F1果陣。

                                                                                                  新ge一年開始咗啦！我要比去年更加努力讀書，雖然我知我個班有好多

學習上ge競爭對手，唔會好像去年咁攞全班第一架啦！

就算係咁，我都要努力學習，希望全班頭十名有我份啦！

今日終於知自己升边班啦！等咗好多日啦！

             我上咗E-class之後，就去睇。

我驚自己入唔到精英班呀，chcek咗A.B.C班，

都冇我份，就知我係入咗精英啦！終於係D班

             見到我個名，仲有幾個我以前好好朋友

同我一班，真係好Happy！雖然我係好想入E班，

不過入到D班都算係咁啦，下次再努力d囉，中三應該就可以

入到E架啦！

                                                         加油努力啦！！！