今日第1日休息.
其實考試前一直都好擔心都抑鬱,
考試開鑼前一晚仲去埋M記溫到12點1點先番屋企.
頭2日情緒都OK,
但係第3日開始情緒好差,
預備第3日中史果日完全集中唔到.
個心成日好煩燥好焦急同覺得好熱.
之後果晚都放棄冇溫到,
夜晚去左打波.
到左第2日考中文同PTH listening先.
果朝本來唔想番去考
最後都番左去.
listening果陣就算我心情幾差都好比心機去聽.
中文視聽訪問左個男仔,
我真係頂佢個肺.
我聽唔到佢UP囉都唔知佢係咪甩啞既?
之後去左303考果科麻差煩既歷史.
LQ竟然背錯左少少野呀shit!!!!
之後電腦我開始失控.
見到成頁英文同篇成匹布咁長既essay就唔想做.
以前既我(上2段考)考電腦果陣就算唔識都會盡量揾D keywords推斷個answer.
但係果日連呢步都唔想做.
仲發脾氣一腳伸走個書包.
之後個監考老師望左我一眼.
番到屋企超唔開心.
激動到撕爛哂本歷史作業.
第2日考地理,
仲仆街.
同交白卷冇分別.
平時我做卷D時間好緊迫好唔夠.
今次竟然勁多時間.
即係我唔識冇野寫啦.
果一刻我真係好想起身起佬.
但係我都坐到夠鐘先走去揾陳姑娘.
之後見到miss lau,
佢話我個樣好冇心機,
陳姑娘話佢知我係一個好認真同唔會偷懶既人,
如果有時間一定會好好準備個考試.
又話佢見到我好忌幫自己.
就算幾唔想番都番左學校考試,
仲要坐到夠鐘先走.
果一刻我自己喊左,
佢講出左我既委屈,
別人睇唔到我好既地方.
佢建議我call1call我個主診醫生,
判斷下起咁燥咁焦慮既狀態下適5適合繼續考試.
佢就唔建議我考.
因為咁樣對我唔公平,
亦反映唔到我既能力.
我係屋企對住本書完全讀唔到野入腦,
望到本書就想嘔.
最後醫生都唔建議我考試.
醫生仲重新調教過D medicine同寫左一星期病假比我.
致於唔考試分數上既處理就真係麻煩.
因為今年選科,
都唔知點搞好.
呢D咁繁複既野就留番比社工同校長傾...........
呢幾日都放低同忘記左書本.
個人明顯冇咁燥.
其他野,
到時先算啦吊,
我唔想再諗咁多比壓力自己啦,
反正呢D野不在我控制範圍之內!