今日7:15我呀媽叫我起身,

我即刻彈左入廁所梳洗,

之後準備好埋D野就出門口去柴灣體育館打比賽.

8點就要報到,

所以乜野都冇食過.

去到體育館果曷大部份人都到左,

D人都起到練緊波.

我又見到幾個熟人,

所以大家一齊練波.

我呀哥成7:30先起身,

仲差D遲到.

因為我識呢個比賽既主辦人,

所以佢地抽籤果時做馬,

將我同我呀哥分起唔同組,

決賽先碰頭.

估唔到我呀哥第1場對住我個fd,

我個fd都ok.

但係都係輸左比我呀哥.

而家第1場對住個小朋友,

又係促進會既人.

不過佢比我大炒左(11:0,11:1)==''

結果好順利咁,

我同我呀哥爭冠軍.

上年又係咁==''

我第1局輸12:10.

之後連追2局,

局數領先2:1.

估唔到我會輸番2局,

決膀局輸11:6.

最後我得了亞軍.

我呢場都打左幾耐.

隔離女子青少年組決賽超快打完.

我同我呀哥打到局數1比1佢地已經打完.

所以觀眾既焦點都放哂落我呢場男子青少年組決賽入面,

打完出黎D觀眾都有拍手.

我對自己今日既表現都有D唔滿意.

正手打得好差*

好多分都係失起正手度.

女子青少年組既冠亞軍我都識既,

佢地2個以前都係柴灣區青苗,

有個入埋精英隊.

佢而家無可否認真係勁左N多!!!!!!!!!!

我都要起暑假努力練波,

加強番正手,

希望區賽可以攞到獎啦!