今日起身覺得好想食野，

我同左我呀哥，去食M記早餐，

嘿嘿........係同一間學校考

係車站都見到小學同學

不過好唔好彩我尋晚M到，頌好痛，我食左四粒止痛藥，先訓到

好驚歷史重現，所以我今日都食左兩粒，先去考試

好彩今日無痛

今日去度考場，有第一考試既緊張感覺，

唔知道係唔係因為緊張依一科呢，講真啊，讀咁多科最鐘意都係西史

考考下試個陣，坐我前面個個人，係咁係度搖腳，

超無奈囉，都唔知道佢想點架，唔想考未唔好考囉

煩住晒，又遲到又早退，食屎啦佢

依加要星期五先有考試啊，算係可以休息下啦

希望中史都唔好考得咁差啦，嘿嘿

努力啊，我得架

話說當本少姐訓緊訓既時候。

有一位姓：池XX既打來我手提電話度

內容係「（annie你星期六可唔可以返四個鐘頭工啊？）

當時既我真係好眼訓（我諗：你講咩呀，可唔可以講多次啊？）

不過我無咁講到，我因為唔想被佢煩，我講左幾個字，

個幾個字就係（哦哦，好呀好呀，係咁啦，拜拜）

池XX係佢收線之前，就講啦（咁聽日你返一點至五啦，聽日見）。

我可以話被你聽，我依一句聽得無比地清楚

就係咁，當我考完中文聆聽，就仆左去返工啦」

真係蠢左，激死我啦

今日佢見到我頌要話，你幾時訓啊，我係個陣打電話被你聽呀

聽完之前我頌激氣啊

今日七點鐘就起左身啦，星期六都要考試，諗落都幾灰

超早出門口，但等車等左二十分鐘都未到（有D火火地）

本來諗住係M記外賣個包食架嗎，都食唔到

去到M記超多人，所以又無食早餐啦

真係好肚餓啊，個肚頌有D痛痛地

早之就係屋企食左早餐先出來啦

去到考場，無遲到，好叻女呀我。

頌已為會好快開始，點之等左足足九個字，講真呀，真係好想訓囉

不過，考考下試我開始覺得我做左一件錯事，

件事就係，我侄女尋日來左我屋企，咁佢呀媽就叫我教佢做功課啦

點之，佢無帶擦子膠，咁我就囉左我個個擦子膠出來架，

點之，佢又囉左我舊膠走左，

個陣時夜晚，我無時間買過第二舊，真係多謝佢唔少啦

好彩我都唔係錯左好多個字，如果唔係我心理一定會好唔平衡啊

我發現依兩場試，我都寫得ok快，唔會唔夠時間，（係一件好事）

希望中史同歷史都唔會唔夠時間啦

如果唔係我可能會喊晒口咁出試場呀

今日考地理，六點四就起左身啦

好神奇，無訓返，唔洗第三個鬧鐘

好早就返到學校，一個熟悉既環境，我覺得係一件好事

今日個禮堂感覺唔同晒，好大壓迫感

入到個考場，好驚...好驚...

雙手係度顫，有D驚被人見到，深呼吸再深呼吸

好似，好左D

開始考啦，寫多左幾隻字，集中返精神，就無咁緊張啦

不過考得麻麻地，唉......

好多人打來關心我考成點啊，但其實我唔想佢地問啊

最好就當唔知道啦

偏偏想佢問個個，就電話都唔多個，唉，咁算唔算係特別既關心啊？？

定係佢同所需要既野唔同呢？？

如果能贏在起跑線上，當然好啦

但如果輸左個頭，一直落後於人，唔通你想放棄？？

我諗放棄唔係我既處事方法

因為係一場比賽中，無論係贏定輸

所有選手不論贏輸都唔跑曬全程

輸其實都唔係最醜，最醜係中途離場

我唔希望我係個個人

所以我要努力啊