我五月二十四日生日啊
好開心啊
你地記得同我講生日快樂啊（識我個D）
江X仁，你講過同我食飯架，（人唔到禮都要到啊）←依句講笑炸
傅XX，我等緊你個有餅底芝士蛋糕啊，無你就死
...................
..................................
........................................
.................
豬頭你會有咩表示呢？？
我要錢啊
考完試又係我既，搵錢期啦
本小姐，要超多錢，咁就唯有努力D啦
無錢真係煩，
學野→錢
被家用→錢
自已洗用→錢
睇醫生→錢
想搵過一份高人工D既工啊，七八千蚊個D都好啊
希望搵到啦
四月三號
今日考既係英文聆聽卷，地方係林護
我今日一落車就見到呀黃（黃耀煌），改個名都難讀過人架
我、佢、2玲、寶明一齊行過去考場
咁我同佢講講下野，就講到頭先係車度我隔離個個細露女啦
個細露女好得意啊，但係係咁係度跳來跳去啵，
咁佢媽咪就同個細露女講啦，（你再跳你放學個陣我唔帶你去食大家樂架）
咁個細露女就話啦（唔好呀我要食大家樂啊）
我講完之後，呀黃話我似個個細露女多D，
咁我就問啦，（係唔係指我個樣啊？）
咁佢話唔係啦
我又問啦，（係唔係話我心景似啊？）
佢又話唔係
我最後問，（咁係咩似啊？）
佢笑笑口咁話（其實我指既係智商似啊，一樣咁低）
我聽完之後覺得我行過去似被佢玩多D，激死我啦
不過算啦，佢有（考試前超緊張候群症）
我要原諒佢，嘿嘿嘿
四月某日（晚上）
今晚我呀媽又發表左佢既一篇偉論
事發既經過係
我個地一家人差唔多食完飯個陣時
我係電腦前面作戰緊，我呀哥頌食緊野既情況下
我呀媽突然爆肚講左一句
「你地兩個呀，不如轉床訓囉」
（我同我呀哥係訓上下隔床架，我訓上面，我呀哥訓下面）
我聽完之後就問左一「句點解啊？」
呀媽就話啦「人地話女仔訓上面唔係咁好啵，都係男仔訓上面好D。」
（傳統既思想，樣樣要由男去主道，就正如，有好多中國式既石柱咁，通常都係龍在上鳳在下）
我同我呀哥聽完之後，都O晒嘴，又後係咁係度笑
我其實想問，依個係邊一家既偉論啊。
不過我都無問到。
當然依個女下男上論，結果都無成為事實
因為我同我呀哥都唔想轉
不過都算係屋企既一個小小笑話
