唉.............

我D錢用得好快啊，新年D錢依加就快無晒啦，得返一百多DD

真係失敗啊，唔想無錢洗啊，問呀媽囉錢好煩架，

問長問短，又會話我幾十句，先被錢我

唔想過D咁既日子啊，

會考啊，你快D來啦，

我要勤力D溫習啊，我要西史囉C、中史囉D（最小）

加油啊，我係靚女來架，唔可以咁失威架

今日放左補課之後，我叫左恩樂同我一齊食野，

恩樂話佢今日先係南京返來，嘿嘿，原來我都幾有面子，

我地傾左好奈，我講左好多勁白痴既野，

佢就講左D佢呀婆既野，同係南京做過D咩，

佢係個一刻好似係，係度曬緊佢係南京食左好多小食，（我都好想食啊，喊...........）

七點幾個陣時，恩樂要補課，所以我都返左屋企啦，

佢話搵日一齊去溫習啵，唔知道我會唔會嬲佢講野既？？

希望唔會啦，嘿嘿嘿嘿

今朝起身真係好靜，全屋企好似無人咁，

雖然有呀哥係屋企，但總係覺得冷清清，

之後我走左出廚房，整左個公仔麵加煎蛋，沖左杯綠茶做早餐。

但因為睇寵物小精靈，所以D麵發到變豬頭都唔知道，失敗.......

之後食完我個早餐之後，我無洗到碗，我整左一整我間亂到唔亂既屋企，

因為我唔想我呀媽返到來之後，被佢鬧。

不過我整左三份之一，就停左係度玩電腦，嘿嘿嘿，

鬼叫我懶咩

一個早上，我就係咁無無聊聊地過左去啦

到在中午，我呀哥起左身，見佢唔舒適，我依個呀妹，就整左一個米粉被佢食

不過佢食完之後無洗到碗，我都無幫佢洗，

因為我真係唔係咁鐘意洗碗，如非必要的話

之後收集晒全屋企唔乾淨既衫，放左落洗衣機洗。

我就同我呀哥出左去啦。

我呀哥同我去左朋友屋企一陣，佢話要返屋企，

我見機不可失，就叫佢順便曬左D衫佢，嘿嘿嘿

一個下午就咁樣樣，佢朋友仔屋企過左啦，其實真係有DF無聊

我現時間差唔多，就返左屋企啦，但返到去，我又開始煩晚餐食咩好啦，

無呀媽既日子，真係麻煩啊，

我望左一望我間屋，我有D頂唔順，

四日無洗既碗、煮完野無洗既獲同煲、全張飯桌都係紙、一D開始發臭既飯（我諗係掛）

我開始帶手套同圍裙，入廚房大戰三百個回合，結果我依個，

靚女當然戰勝左啦（有小小噁心添）

洗晒D野，我就出左門口，食野食啦。

我買左一碗粥、一份腸粉、一個麥當奴六號餐

就返左屋企啦，當然唔係我自已一個食啦，我同我呀哥食，嘿嘿嘿

咁就解決左一餐啦，我好叻啊

不過呀媽唔係屋企真係好唔習慣，無佢煩住晒我

有時諗落其實人真係幾渺小架。

有時發白日夢個陣、有時望住同學仔個陣、有時同人傾計個陣.......

我就會諗到，依一個秒係你身上發生既野可能係好微不足道，

但係係同你身處同一秒既人，佢地可能係面對住成功、失敗、出生、死亡.........

有時人可能將自已睇得好重，有時會好在意人地點睇你，

但有時我地又有無真係，由唔同既角度出發呢？？

世界上有咁多人，佢地依一刻既生活又會係點呢？？

有時我真係想知道下，八卦下

我有我唔開心既時候，我都會同自已講，我唔係最唔幸運個個，

既依一秒，一定有人比我不幸，我反而要感恩

因為我依加身處係一個咁和平既城市，

唔需要擔心有無得食，唔需要擔心下一秒會唔會無左條命、唔需要擔心有無書讀..........

係依一日你可能過得好開心，但係你又有無諗過，係同一日，有人要面對住死亡既威脅呢？？

人真係好奇妙，唔知道我既將來，每一日、每一秒又會點過呢？？?

神最公平既就係被左每個人一日二十四小時，不多不少，不論用幾多錢，都唔能夠買多一秒。