尋晚恩樂三點幾鐘打左個電話被我，

佢話因為訓唔住訓，

其實諗返，之前我都係咁，係咁搵人傾計，

晚晚都越晚越精神，失眠真係好慘，眼訓但訓唔著

我地傾左一陣就收左線啦，因為我個陣都幾眼訓。

今日天陰陰，好似想落雨咁，

頌有三日我就考第一科啦，有d緊張，希望狀態會好d啦

今日感覺上屋企好似好靜咁，有d唔習慣，

會考完之後，我d電話費一定好貴，因為我日日都傾兩個幾鐘頭電話

電話費可能會有二百幾蚊

會考完之後我一定要去買衫，減下壓，頌要去係咁玩，

加油啊

fafa個句（靚女係特別多煩惱架啦）嘿嘿嘿

今日一起身，已經十一點幾，都唔知道自已係度做緊D咩

日日起身、訓教、睇小說，就係唔溫書

見到本書令我覺得好煩，好似總係溫唔完咁，

會考離我頌有五日炸，個心好驚，我可以點做呢？？

心情差，見到天氣都覺得特別差，

見到有D人，日溫夜溫，其實我覺得好羨慕，因為我連去溫既動力都無

有D想喊

我可唔可以成為胡Ris所講既（恆生指數）呢？？

我可唔可以再升多一次呢？

會考越近，自已就越神經質，

一時就覺得超緊張，一時又書都唔囉下來溫，

夜晚訓得唔好，朝早唔想起身，唔想講野……

考場有D唔識去，打算的士代步，唔洗煩，

心情悶，天氣頌悶……

如果世界上有勤力果實，就好啦

（成日同自已講，會考就到啦，你係度做緊咩呀？）

（辛苦多幾日炸，努力D啦，遲D你想讀都唔洗你讀啦，溫下書啦）

真係煩，好煩，超煩

過多幾個鐘頭，就到呀銘生日啦。

希望佢，生日快樂啦

幾日前聽到佢地話，去唱K都覺得心思思，想去。

但係離會考越來越近，但書又未溫曬，

如果去唱K又覺得對自已唔住，之後搵個fd，

傾左一陣，覺得佢講D野，都唔錯得晒，

不景，而現在來講會考比咩都重要，

如果真係有心想大家一齊傾下計，遲D都會有機會架啦，

今次唔去，應該無咩野掛。

雖然有小小唔開心，嘿嘿嘿，但起碼之後唔會後悔

所以我決定唔去啦

今日心情好輕鬆，我今日六點半就起左身，

嘿嘿嘿

真係超早，因為我約左呀冰食早餐，

我今日先知道呀冰D中史、西史原來都幾好架啵

我諗如果佢努力D，成讀可能唔係依加咁差

希望佢地將來，生活可以過得充實啦

依加D人，可能有太多太多情感上既問題要處理啦

慢慢就以依D野，作為生活既重心，令生活慢慢變得沉悶、煩惱............

就現在來講，對你或者對我來講，咩先係最重要呢？？？

有時雖然知道，但所做既又剛剛相反

會考完之後，我又會係點呢？？

成績雖然都知道唔會好得去邊，但又會幾多分呢？？

有無拖拍呢？？

做幾多份工呢？？

讀咩課程好呢？？

個心會唔會去信神呢？？

返唔返教會好呢？？

依加真係有好多野可以被我去煩惱啊

但點都好啦，如果日日都咁精神，我諗日子都會過得快D，

其實我都幾希望會考快D會，可以快D返返去之前既日子，

雖然知道將會面對住好多問題，但有D期待