第一日
第一日返工，真係好鬼緊張呀，唔知道會點呢？？
諗諗諗諗，結果‥‥‥半晚就被我諗左半晚啦，
唉，我第一日返工，返九點鍾，我七點鍾就起左身，
諗住無死啦，點知道‥‥化妝化化下，就化曬我D時候，
死啦死啦，點算好啊，我出門口個陣已經九點四啦，
我沖呀，當我跑到小巴站個陣，見到三、四個人，
其實我上唔上到車架？？
到車來左個陣時，我真係好想時光倒流。
因為車滿座，唉，千錯萬錯都係我既錯，早D出門口未無事囉，
聰明一世既我，做左我人生一大決定，就是‥‥座的士
到本小姐打卡返工個陣已經九點零七分，死就死啦，
之後我就被人話左我一句，真係有小小覺得失敗，
之後我一日既辛勞，就咁開始左啦，今日真係好忙，
不過最辛苦係，對死人高跟鞋，真係整到我好鬼痛，
痛到想死，我頌要企左十二個半鍾頭，
到放工個陣，我對腳已經唔係我自已啦，
D腳趾全部都紅曬，有D就痛到麻痹，
就到屋企個陣已經十一點幾啦。
第二日
吸取左第一日既教訓，我今日雖然返十點半，
但我七點鍾就起左身啦，我寧願早到、無聊D，
我都唔多想遲到，遲到真係幾無面，
今日對腳雖然都係好痛，但都係要死頂啦，
鬼叫我條命生得好咩，今日我無尋日咁自閒，
D同事仔同我都有兩句計傾，依個係一個好既開始，
不過今日都係好鬼忙，忙到被人偷左化妝品都唔知道，真係失敗
點解d人可以咁架，化妝品都偷，無品
今日我放工個陣已經九點零十分啦，姐係我又位ot啦
其實ot我真係無咩所謂，但對鞋真係太辛苦啦，辛苦到我想坐的士返屋企，
但我依d家境清貧既當然無咁做啦，不過我一定要買多對鞋，
如果唔係，我真係會死架，
希望聽日我可以成功開到單啦，
唔知道點解，雖然自已係兼職，認識既野又小，但係都想幫下手，開返一兩張單，
因為咁樣樣，請我返來先真正有價值，
公司都係咁諗姐，係唔係呀？？我就覺得係啦。
不過我只要答個幾個問題，就會面紅，真係無鬼用。
加油呀，ANNIE加油呀你，做一個有用既sales clerk
好啦，本小姐真係要訓啦，如果唔係，我個靚樣就會變架啦，
頌有就係多謝大家關心，我既新工作呀，多謝晒。 |
