我上個星期開始
上化妝堂，上堂個陣，唔係好自然，
D人同我想像中，有好大出入，個個都大過我，
頌要有D係專業人仕
比起自已，好似係兩個世界，但因為一樣野，先有機會係一齊
大家好似都無咩話題，
但我都會好認真上堂架，因為一堂真係好貴啊
浪費金錢就唔係咁好啦，係唔係
其實上堂講D野，都有用既，但係一下子，我吸收唔晒，可能真係要補堂啦
以返工個度呢，因為做既野唔同左，所以開心左D，依幾日公司都好忙啊，
成日都有D推廣活動，忙死人啦，
不過講真啊，都想嘗試下，係其他環境，因為自已頌細，
學多D、見識多d，都係好事
返得工多，人都無咁開心，
原本我都覺得我自已係一個EQ都幾高既人來架啵，
但依加我既想法有D唔同
其實係一D骨節眼上面，我都係一個好計較，好小氣既人，
我發現我無個一份胸襟，
原諒人，我好多時候都係做唔到
我依加返工，返咁早，其實都係想早D放工姐，
返六點其實一D都唔容易，邊個唔想訓奈D啵，
我返咁早，其實都係想放三點姐
我都返左九個鐘啦，OT唔係一個問題
但係點解係我OT既時候，比我遲返既人可以早放過我呢？？
放得個D人走，係唔係代表夠人？其實我都可以放工呢？？
咁點解我又唔走得呢？？
唉..........
有壓力啊
我要錢呀，但依加份工，滿足唔到我呀
轉工啦
真係覺得好倦
雖然我既假期只係開始左無幾奈，
但係我覺得日子真係好難過
好想日子改變下
今日真係覺得好激氣啊
有D嬲自已，都有D嬲其他人
個一刻真係好想發下神經、好想發下小姐疲氣
好想喊，樣樣野都唔如意，
精神係超疲倦
如果可以一個星期都唔洗做野就好啦
出左糧，人都開心D，今日約左公主去行街街
不過我去到個陣，公主頌未放學
所以我自已行住先，我個日買左兩條裙三件衫、兩副con
超開心啊，好奈未買過衫啦，買完衫心情都好D架
女仔始終都係女仔
天生購物狂
嘿嘿嘿
超開心
