今日返左份新工，第一日返工，人工太低啦
所以我無做到啦，不過我覺得我無做錯到
反而今日係星期四，我要返化妝個邊上堂
但因為我要返依份新工，所以我無返到去上堂，
依下就真係後悔死啦，
今日化妝個邊個老師問，我有咩目標呢？？
我細個有咩夢想呢？？
我個腦空左，唔知道點答，我細細個個陣同好多女仔呀一樣，
想做老師，覺得老師係一個人人都尊重既職業
但大個左，就無左依個諗法
我有時覺得自已真係幾可憐，我無咩目標，
我只係想要錢，要好多好多錢，
因為我知道，有錢，好多問題都可以解決，
有左錢，會小好多煩惱，錢可以令屋企環境變得好d，
錢可以令我依加既生活變得舒適d，唔洗沒日沒夜咁工作
我一d都唔鐘意依加既生活，所以我要錢
但你問我鐘唔鐘意化妝，我可以答，我好鐘意
初初學，化妝係希望將自已變得更靚
依加鐘意化妝，係鐘意個一份小小既滿足感
我希望我化既妝得到，人地既認同，
我希望完成左一個妝之後，個個人係笑住咁離開既
我想化妝成為我既職業，我既目標係，成為一個化妝師，
我希望我三年後月入一萬三千蚊左右
|
