人，真係好矛盾又痛苦既生物。

做壞人唔容易，要過得到自己既心，要學懂傷害他人，亦要承受被他人標籤、排擠。但係就可以尋找到刺激同得到快感。

做好人唔容易，要學識大方、大量，要有一個無限大既心，包容哂所有既對與錯。同時間要學懂放棄，放棄自己所擁有既去滿他人既需求。但係就可以得到他人既感謝同讚掦。

(好人又係咪真係可以得到快樂？點解唔快樂都仲要做好人？！我唔明白牙。。。)

做虛偽既人唔容易，要學識埋沒自己真實既心情，要接受他人的意見、主意。要學識講多好好聽既說話，得到他人既認同。但係就可以長存於眾人之間。

做真正自己既人唔容易，真心既說話大多數都唔啱聴，會惹黎他人既厭惡。唔應他人既要求行動﹐又會被認為自大，唔聽話。但係就可以有最忠誠於自己既言行。

我想得到刺激同快感，以解我生活既枯燥，但係我並唔想傷害到他人。

我想得到他人既讚許，但係我做唔到包容所有同埋放棄我既所有。

我想可以同好多人一齊，但係我並唔想沒埋自己既心情、亦都唔想講一D自己唔想講既野。

我想做最真實既自己，但係我並唔想惹人厭。

究竟點樣做，人，先至可以真正咁快樂一D呢？

一件又一件唔開心既事情腫而來,搞到成家人都好唔開心,逼到大家都已經搖搖欲墜...

首先有大哥離婚,之後又有大家姐既婚外情,年老既阿爸又一直都有病,依家阿哥係學校又變得壞左,唔聽話......好多好多既大大小小問題相繼咁出現。連我一個阿妹睇到居企發生咁多事情都感到傷心難過...咁阿媽又可以點啊?!

阿媽係一個好硬淨既人。但係為左大哥既事情,一直都冇喊既佢已經喊過好次,而且係人前...今日大家姐因為婚外情又話想要離婚,而且同時阿哥係學校又同阿sir嘈黎搞到要見家長.....阿媽真係好失望,好難過,好傷心...妐嗛搹h事情,妠N黎要崩潰啦...!

而我一個大唔透既女孩子又可以點樣樣去幫助阿媽?我唔知道啊...!我好想好想去幫吨擰嵹?但係有可能咩?!

依D咁多咁多既事情我可以透澈了解咩?我可以承擔得起咩?

我可以做到既可能只有企埋一邊喊……

今年就快完啦,仲有一個月咋。好希望係新既一年可以有一個完全唔同既新開始、好既開始...

求下祢你啊!救下我地一家人啊!!

谢……

依個星期六,日都有返工,可能係冇做慣野,做完2日既工作,對手有d攰...

不過我覺得依家都唔係我最大既問題......

我覺得自己最大既問題係唔識得同人相處...?!

我唔知道應該點樣同d同事相處?唔知道應該同佢地講d野?佢地問我野,我唔知道應該點答佢地好......?!好多依d咁既問題我都唔知點樣去應付好......好冇用牙我......

另外,今日我發現一件事令到我好唔開心事情牙!

我已經慢慢開始對我鍾意既人既記憶蒙糊啦......

我唔想忘記對佢既記憶牙...!我唔想當我諗起佢既時候,咩都諗唔起...只係記得佢既名......!

我好想好想可以再見到佢牙!!

今日我第一日返M记做野,好興奮吖~~

今朝我5點鐘就起左身,6點半約埋個FD一齊返工。

7點鐘我地就開始工作,D師兄師姐都好好人,教我點工作,而我今日既工作係炸薯餅,因為係第一次所以有D唔熟手,有時會炸唔切。。。

不過係休息個陣好好笑。我同和FD一齊食野個陣,有2個同事都入左休息室食野,個師姐係個師兄搞緊個開唔到既存物櫃個陣,將佢個食剩2啖既魚柳包收埋左,之後我地食完野,我個FD就將D食完同食剩左既野DOM左佢啦~但係我個FD唔知道個杯喝剩仲有好多既凍奶荼係個師兄既就將佢DOM左,個師兄就問佢杯野去左邊,點知我個FD~係依個時候又將師兄個包DOM埋,好好笑吖,我同師姐都係度係咁笑,個師兄就好驚訝咁拎返個杯奶荼上黎~~同我個FD係咁講~仲有好多咖!我個FD~就同佢講SORRY~我地就係度繼續爆笑。。。不過好彩個師兄都好好人,冇怪我地

炸薯餅位要對住成鍋油,同D好熟既燈,有時冇乜人個陣又唔知做D咩野好。。。因為係新丁,同D人唔係好熟。。。

11點我地可以放工,但係我唔記得左去刷卡先換衫吖,鳴。。。

不過總括黎講都覺得好開心,幾好玩~~

今個星期六,日又可以返工啦~期待ING。。。

今日學左放既英文補課最尾個部分係要我地2人一組咁讀英文晨讀,但係當我出去問一D女同學,問佢係係咪已經有組,個個都話有...差唔多排到我個時,我行前去同老師講我冇組,之後老師就幫我搵左一个啱啱讀完既女同學同我組,我已經開始覺得唔係好開心。之後另外一個平時好多嘴既女同學指住我笑笑口咁話我「SINGLE WOMAN」,我其實好想忍咖,無奈我係一個軟弱既人,我D眼淚湧哂上眼眶...之後我就放底D野,走左入廁所哭。本來我係諗住等到廁所冇哂人先出返去,出到去洗完手,望返鏡入面既自己,真係好嚇人啊...眼,耳,口,鼻都紅哂,對眼D紅筋都出哂黎......之後我黎入課室,D平時唔係幾熟既朋友會行埋黎講兩句叫我唔好喊或都問我有冇事...好朋友??我升左中四既文科班入面,一個都冇...

我覺得有一件事我係好失敗咖...平時成日唔同朋友出街,就用冇興趣做藉口,其實只不過係我冇自信,唔敢出街見人咋嘛。同老師講話要自己一個人單丁位,會專心D讀書,其實只不過係自己唔識得點同人相處。平時要做D唔係好鍾意既野或者俾人吩咐,我都只會亦來順受,只係自己不想野人厭,但係我又何賞唔想拒絕...?!同同學相處都係一樣,佢地講乜都會和義佢地,其實只過係想同有一種比較合群既感覺,但係我又何賞唔係有自己既一套諗法呢?

咁樣既自己好冇意義啊?!即使平時做左咁多,但係點解到我需要某某既時候,我身邊一個人都冇,而且係要老師黎忙我點名叫某某黎幫我啊?!雖然我唔係一個風頭人物,我自問咁冇用既自己平時都冇做過D咩壞事,做事都好安分守紀啊!但係點解仲要俾人話我係「SINGLE WOMAN」啊?!

我真係感到好悲哀啊,點解我做人做到咁冇用?!