今日下晝去左蚊之屋企...教佢同阿dull電腦..
其實都係吹水..玩狗玩貓多..佢地識唔識都係一個幾好ge問題..

夜晚..同表哥&豬彬去左睇澳門中樂團音樂會—《琴動山河》
1. 澳門印象
2. 梁山伯與祝英台
3. 流浪者之歌
4. 中國節慶&葡國節慶
5. 黃河
噢~!!今次真係正~ 我就係鐘意呢d演奏會~!
相比起之前戈兩場..呢場我真真正正聚精會神去欣賞ge一場
回味無窮呢~ 特別係小提琴手...睇佢拉得幾咁投入..
而表哥就話因為會演奏《黃河》先至去睇=口=..
中場休息之前..有條友影相..又唔關閃光燈..俾人收左個相機..都幾抵死~haha
carmen飛飛佢地都有去睇..不過坐係二樓...
完左之後就同表哥&豬彬行路返去..

星期日就咁就過左...
歎完就等返學啦..
聽日調位..又唔知調到去邊一行ge最後一個位...

朝早訓得好地地...成哥冇啦啦打電話嘈鬼醒左我..開唔開波...吼!!火起來呀!
醒左就訓唔返啦...唉..算啦..起身打下機算..

下晝...聖火傳遞...懶得出去睇...響屋企睇下就算啦..
都ok無聊...睇到佢傳到去媽閣就捱唔住啦...唔睇...

夜晚同左表哥去崗頂劇院睇《夢幻英倫》，比上次ｇｅ安培拉好得多...至少...冇真正訓著...
係柔和少少ge部分就有d想訓ge感覺...
睇完就搭車去渡船街ge小熊x吃野...之後就返歸開波啦~

下星期好似好多野做...test一籮籮咁..但係又諗唔到有咩bor..
算啦...聽日先算啦~

今日test account...朝早早些少去水m溫..結果都係哂氣..
睇落好似識....事實上到做戈陣就乜都唔記得..
結果..平帳平到怪怪地..算啦..合格就好..

之前同成哥輸賭..如果我英文默書高過11分..我就請佢飲comebuy..
結果...20分..>shit...算..講得出做得到..表哥又呃飲埋一份...唉..就黎冇錢啦..

個fd因為5-1放假返一返黎..呢幾日都冇咩時間搵佢...所以今晚就搵左佢去華士古花園度吹水..(都幾無聊下..ha)
同佢都傾左幾多心事..又聽左佢講左好多佢ge荒唐事..因為受佢頹廢ge影響...連我之前戈幾日積埋ge頹廢..
一齊發洩左出黎..兩個人飲左半打啤酒..之後係佢ge嗦擺下...食左我咁大個仔ge第一支x...
受到佢情緒ge影響...再黎多幾支...oh shit...變左壞學生lu...不過應該唔會咁易再次接觸呢d野lu..
唔可以將佢變成習慣...嗯!!