今日..
算係決定我生死ge日子...
朝早冇返到學...係屋企刨中文..
睇住咁多張A4紙..
都唔知從何入手...
諗返起古將軍以前經常出嘅題型..
結果決定左溫注釋作者..
溫左冇幾耐..都算入左大部分去個腦度..
但係個頭就好痛...算啦..訓一陣再溫主旨問答..
主旨還ok..但係d問答真係唔知邊d打邊d..
所以就搵左d最似係問答嘅黎溫...
又係溫極都溫唔入腦...開始陷入瘋狂..
咁樣溫溫下又食飯...食完再入去癲...
都算好...入到一部分..

搭巴士返去...係巴士度都拎住d紙係度溫..
咁大個仔都係第一次...
返到去又係咁睇返之前溫過戈d...驚自己會唔記得..
好啦..開考啦...從外表睇落去係一件ok值得開心嘅事..
只係兩版A4紙je~ 應該唔會太難掛..
結果..一睇落去完全傻眼...
第一格已經唔識...第二格又係...
第一輪做完填充之後...空左接近一半..
而且填充佔60分...唉..仆街啦!!
轉第二版...見到有值10分嘅不知名物體..
都唔知係唔係癲線...出出埋d咁嘅野..
用直覺做哂佢...轉戰問答...30分~3題..
佢係出左我溫戈d紙入面嘅內容呀~
問題係佢戈d都唔似問答囉~fuxk!
記得幾多就寫幾多...
再返去做返填充...用盡全力下終於都填哂..
之後拿拿林交卷...冇眼睇..


唉..都唔知結果會點..
真係聽天由命...
到7月28號先公佈...咁遲公佈做乜鬼呀!?
俾我快d知道結果等我認命啦!

今日...補考英文...
尋日下晝返去戈個無用嘅英文輔導班..
好快就走左...
雖然本身就知道..
但係聽到佢話一衰左就會留班..
壓力就一下子大左好多...
諗返d背極都背唔熟ge生字..
更加之不安...再加上grammar唔記得一大部分..
個人更加down..

諗住搵人教我grammar..
結果d 勁人大多數都唔得閒..
最後搵joyce幫我溫...
開頭諗住佢要補考電腦..可能會唔得閒..
好彩佢應承左~ 而且佢電腦唔識唔明都可以問我.
再加上表哥都去..實應付到佢ge電腦ge~

溫到十一點就搞掂~
雖然背ge野冇乜入到腦..
但係grammar透過joyce ge指導下..
我相信我實應付到!!
相反佢電腦好似冇乜點溫過..
完全唔乎合等價交換..
總之英文就萬分感謝joyce啦~
希望佢電腦可以順順利利啦~
我都要努力啦!!


今朝...
返到黎更加呆滯..
諗住朝早5點起身溫..
點知較左鬧鐘但係冇開..
結果就6點半先醒..
冇計...搏命咁睇下d 生字就返學..
返到去都唔係咁多時間溫..
好似溫左..又好似冇溫..
更加之不安..>

到考啦...份卷果然比想像中容易得多多多...
好快就做完...
應該會合格...
不過預估唔到自己會有幾分..
總之..合格就升...唔合格就死./.



聽日就考中文啦..>
呢件野就大鑊啦..
都唔知會點出...
唔理啦..溫得幾多就幾多..
加油努力!!

補考將至~要努力!
要加油!俾心機!奸爸爹!
要一齊升高三哇!!!

補考倒數: 2日