臨近補考..
我仲周圍去...真係唔係幾識死...
係屋企日日都對住部電腦...打機上網聽歌..
出街就食野..然後又係打機..
係度燒銀紙...仲有入冇出添..
咁樣落去真係唔係辦法..

讀緊大學嘅朋友都返哂黎..
以前可以同班開開心心..
依家要出黎聚舊都要等放假..
再加上人地係大學生...
我只係升高三...仲要補考..
心裡真不是滋味..

永遠做乜野都要臨急抱佛腳..
係要感覺到唔夠時間..
先至會去郁手做戈件事..
難怪最後都得唔到好嘅結果..
測驗默書功課就係例子...
星期一默中文...測地理..
到依家我掂都未掂過佢地..
而且英文仲有麻煩功課..
要一日時間內搞掂哂佢地..
雖然話有志者事竟成..
但係時間亦都係金錢..
唔通淪落至要每日六點起身溫習先至係好事?

之前自己所下嘅決定..
無兩三日就宣告失敗..
明知呢樣野對自己唔好..
但係仲要繼續泥足深陷..
只可以話自己定力唔夠..
對我有期望嘅只會失望..


依家距離補考仲有唔夠一星期..
睇下自己可唔可以收歛一下..
只要努力埋呢個星期..
而且仲要得到好嘅成果..
就可以同呢班好同學一齊升上高三..
亦都可以履行自己
對父母, 朋友, 同學嘅諾言:
「你地放心, 我實升到高三嘅!」



補考倒數: 4日
剩返四日俾我努力..
希望我可以善用呢4日嘅時間。

今日考車啦~
6點鐘就起左身~
諗住趕最早戈班車過路環...
點鬼知咁早已經超多人等巴士..
最後都係監粗迫上車...

過到去已經見到好多人係度練緊..
不過我戈個師傅未到...唯有係度等..
等等下有人拎左d車匙過黎..
唔理啦~揸走佢練住先啦...
練練下...個天黑起上黎...
屎...出事啦...
到9點10分度..見到考牌官黎啦~
諗住可以趁落雨之前搞掂佢...
點知個考牌官遲遲都未出現返..
好啦...個天真係落雨啦...
仲超大添...我仲諗住可以頂一陣..
淋淋下衫褲都可以揸水...
打完8字之後涷到打冷震..
唔得啦..要雨縷啦...
又等左n分鐘咁耐先有衫到..
著住超焗...但係點都好過涷..

練多一陣...個考牌官返黎啦..
 排隊打8字lu...
好彩...戈陣個天冇落咁大je..
而且我都打得好順暢~
好野~ 搞掂左8字..
考之前見到幾個人飲左..都驚自己會出事...

之後出街...好彩個考官冇陰人~
好順利咁通過~
返到去講 全部都合格~
呼..真係鬆左一口氣..
之後去等攞牌仔..等左好耐..


返到屋企..我老豆就話俾佢部我揸啦~
ha~好野~!
雖然只係50仔..但係都好過冇啦~

下晝新哥話一齊揸車過去黑沙食野~
好! 一於奉陪! 橫掂依家我有車~haha
之後...三架車
魚皮一架...新哥tips一架...我一架~
浩浩蕩蕩咁揸過去黑沙lu...
有架車..去邊都唔洗愁~
不過好似地左好多地方..
過左黑沙...下一站就係九澳村...
然後就話去石排灣...
石排灣關左門...就去媽祖像..
嘩..佢條死人斜路...上到去玩秋千= =
落返黎...再返去黑沙水庫...
行下條唔知係唔係吊橋ge橋..
行完..就返澳門...
返到去戈邊..見到d油冇左一忽..
算啦...入定d 先啦..好過我老豆插我..
之後玩夠啦..各自各返屋企...

癲完一日...
返去就要溫英文啦...
依家搞掂左車啦~
差兩科補考je~~
我要一鼓作氣!!

 又連續幾日冇打日記..
個人又懶左lu...冇辦法..
我份人就係咁..haha

整整一個星期日...
又落雨..又邊度都去唔到..
而且又唔知咩一回事...上唔到網..
oh shit...諗住向表哥求救..
自己又訓著左...訓醒就拿拿林去影印張學車紙..
返到去食完飯...搞掂左上網...
之後又訓lu..


第二朝...即係今日
之前較鬧鐘較左7點05分..
點知係較左p.m. = =
訓到7點50分...唔係我老豆講電話講到入房我都唔知醒..
快手快腳去刷牙洗面換衫衝!
好衰唔衰...又落雨...
去到塔石廣場...好多隱形ge陷阱..
踩到對腳濕哂..
全速行返去學校...只係用左8分鐘就行到去美心..
wow..我都行得幾快戈wor..仲有時間俾我買包添..
返到去先知...落雨可以遲d返都唔怕...
唉..早知我就唔行咁快..

由於好多人對腳都濕哂..
個個都除哂鞋襪...
我就費事..唔除..
睇住阿連攞住對臭襪揮黎揮去..
都唔知俾咩反應佢..
成哥又係度玩性感...oh no..
好想打鑊甘ge佢..haha

下晝去再次去學車..好彩冇落雨..
出左4次街..次次都有d問題...
唉...都唔知係我ge問題定係人地ge問題..
希望考戈陣唔會出事...

今晚同左黑狗去睇街頭超人..
超好睇!(個人睇法)
個女超人好激!!
睇完去左試m記戈個
珍寶黑椒漢堡同埋黑芝麻新地..
食過一次就夠lu..都唔好食ge..



好啦..聽朝9點就考車啦~
著件三紅主義去先~haha
最緊要係天公做美就得啦~!


聽日要順順利利哇!!!!