又一段時間冇打lu...
老實講真係懶左好多..
新年間去過ge地方唔多...
但係利是就足足係上年ge三倍有多~
原因係..上年我根本就冇去拜年...
年初五晚去燒煙花~ 人數比上年多好多哇~
可惜就玩得唔盡興...因為d煙花檔唔肯減價...
不過好彩人面廣ge關係...攞左唔少免費ge煙花黎玩~
應該係話呢一晚一蚊都冇出過~
只係大部分都係炮仗...=,=
食完又一大黟人去食燒野~又講又笑~ha
臨返學前ge星期日~又搞左次唱k~
不過人數就唔多~得9個人去je
今次我反而唔想飲咁多..想唱歌多d..
只係搏命被插歌...要唱到自己想唱戈首都唔容易...
唱完仲去飲早茶添~ d叉雞飯正呀~
新年功課有幾張英文升大入學試題..
到最後戈日啦...一張都未做過...估唔到可以咁頹..
返到去第一日又test account..
好多人都唔識...我出去教又唔知點教好..
搞搞下我自己都模糊哂...唉..
(今日派左account...我有75分..阿婉話我算高分...
雖然我做錯左一部分...但係其他去溫ge都炒左..
對唔住呀咁多位!! 係我錯!!! >< 係我講d唔講d..)
今日test地理...尋日星期日...起身就覺得唔妥..
睇黎都係作病...唉..真係臨測驗先黎病...
專登去早d訓...結果訓到3點鐘就訓唔著..
唉..起身溫書啦...又溫唔入腦wor!
測戈陣..睇落好似好易咁...做得好快..
但事後..先知錯左好多...唉..
依家掉返去頭位...希望可以聽到書..
成績會好返d啦~
星期日夜晚戈陣同屋企人出左去食飯..
食食下傾到我讀大學戈陣點..
以佢地ge講法...即使我真係去左台灣.
都唔會俾咁多自由我咁話.. 我老豆話唔俾咁多錢我咪得囉
大佬呀! 家陣我大洗得好緊要咩? 出到外面唔多少少點得呀?
家陣我又唔係要幾十萬一年... 讀到私立ge話學費係會貴d..
但係如果真係咁ge話我都會慳住黎過生活啦!
依家係唔係由頭到尾都唔想我離開下je? 又話要我獨立!
但係又睇唔起我! 依家唔係我唔識做! 而係我唔做!
要做ge一定做得比你地想像中好!
我阿麻又係度話如果係澳門讀就俾錢我買車~
又係度睇死我過到去完全照顧唔到自己
我真係好想同佢講.. 我想過台灣有八成都係因為你!
出街食個飯又鬧! 有事夜少少返又鬧! 放假時間出下街又鬧!
真係出去溫習又鬧! 有咩野你唔鬧ge je?!
同老豆一樣! 講左話唔會咁早返又打電話黎問問問!
又要問幾點返! 依家我又唔係冇交代去邊!
又唔係離家出走! 又唔係去作奸犯科!
都唔洗管到我好似十歲小朋友咁掛?!
阿爸阿姨阿麻...依家我唔係嫌你地阻住哂..
我大個仔啦! 俾少少自由我好無!?
如果我要變壞...一早係8年前我死人阿媽走戈陣就開始壞啦~
我想離開澳門..都係想獨立..過下冇屋企人ge生活je~
俾我出去闖一番..好嗎..?
星期六晚...同以前粵華d fd仔去左華士古戈度飲啤酒..
其實真係幾似爛仔...haha
佢地全部都大二lu...我仲係高三...
全部都係理組勁人...而我呢..唉..
飲飲下high high地..慢慢咁傾起d比較感性ge 事..
個個都後悔話當初簡粵華黎讀...(因為大幅減少異性緣wor~)
但係...如果唔係簡左讀粵華..我地都唔會成為一班"豬朋狗友"
無論當初選擇ge路岩定係錯都好...一切都係緣份..
想避又避唔到~ 捉亦都捉唔住ge~
而我亦都無後悔離開粵華..黎到聖若瑟~haha
點解會有人誤會左我ge諗法ge???
定係我真係做得太多容易令人誤會ge野?
而真正戈個...又唔知佢知唔知..
佢ge好友又好似講到好輕鬆咁..
本黎係秘密ge野居然毫無顧忌咁講出黎..
不過我都係無咩反應..都係維持原狀更好...
台灣戈份申請表都未填好..
志願都未諗好...
真係唔知點算好...
雖然知道好多系都好好..
但係真係唔知讀邊科好...
唉...真到趕得切至好...
haha
| 
