22號..朝早返去彌撒
完左之後就返去課室開始聖誕聯歡
雖然食得唔盡興..
但係之後每個人都唱得好興奮~
亦都有好幾個因為首歌ge關係喊..
不過整體氣氛非常好~之後hk再過埋黎~
感覺真係同上一年二文丙戈陣冇乜分別~
大唱特唱~唱到聲都沙哂..haha

下晝就冇咩搞...為左消磨時間..
唯有同hk又去打機又四圍行...
行到5點幾就返左屋企打陣機..
之後就join埋契媽同小q去皇朝一樓打邊爐~
去到搵小q戈陣佢已經俾左份禮物俾我~係架車仔~haha
因為唔識戈度係邊度ge關係..
係戈一區四圍行黎行去搵...結果都係搵唔到..
最後都係搵jojo帶我地去...不過真係估唔到開係d咁ge位置...
去到其他人都差唔多到齊...
有kristy tracy inin jojo lily 西施 hk 契媽 小q 我~
雖然冇任飲..但係都幾好食~d牛丸好大粒~ha
唔洗我夾錢~ha 壽星公ge優惠~yo

打完邊爐..過左去新苗買左支芝華士同兩支大綠茶~
再過去2046~ 新哥tips已經一早到左~
之後再逐個逐個黎...而且好多人都唔識位置..
結果我落左去好幾次接d人上黎...
最後出席人員如下...
魚皮同佢個fd..新哥..成哥..小q..契媽..melon..+和..hk..嘉明哥..天..
阿連..Joyce..mama..Tips..Carmen..飛..Rain..Dull..Kristy..Lily..
Tracy..inin..Jojo..雙..Eva..嘉西..西施恆哥..Amy..
第一次咁多人一齊去唱k...而且仲有d係好難得出現添..雖然有d人早走..
and then...同契媽落左去吹陣風...返到去見到新哥佢地落黎..
叫我同佢地一齊去買喉糖~ 唔知點解我有股衝動想衝上去..
上到去佢地拼命咁唔俾我入...算啦~都估到佢地想做乜野架啦~
之後到12點上返去..我都唔係太敢第一個行入間房到..一入去就退返出黎~ha
不過最後都係要認命~入去.. 原來佢地個個都揸住支拉炮...真係識搞氣氛~
仲有蛋糕添..吹蠟燭許願之前..居然叫我飲5小杯純ge黑牌先= =
都唔知邊個諗條咁ge橋出黎...想殺左我咩..
係好求其ge情況之下就吹左蠟燭...之後阿連同Tips就拎左份禮物出物出黎..
tips就係巨大打火機.. 爽死!!  阿連戈份就係用一個玻璃樽裝住..
入面有一千二百二十三個一毫子...佢話有好多人湊d一毫子落去..
當我手頭結据戈陣可以攞出黎用wor..haha
即使我真係冇錢洗~我都唔會拎入面ge一個一毫子出黎用ge~!
搵日真係要數下係唔係真係有一千二百二十三個一毫子係入面先~haha
而飛飛同阿天就送左隻貝多芬geCD俾我~超正~我鐘意呀~haha
and then又要重新許個願...用個巨大打火機點返著支蠟燭~
旁邊d人開始嘈啦~又話同邊個邊個一齊咁...
不過都係當乜都聽唔到好d~haha..|
吹熄左之後..就有人叫我發表感想..
但係我本身就唔係咁識講呢d野ge人..
再加上有d人係度玩野性質咁嘈..
結果都係講得好求其咁..
有人拎左支香檳出黎~wow..
學下d人fing到支香檳射個蓋出黎先~
對住d人~d人驚到好似見鬼咁..對住邊度d人都走到我後面~
我就同佢地玩~又走出又走入~ 超搞野~
當然最後都冇對住人黎射~ 安全至上嘛~haha
分埋蛋糕..食埋啦~就開始癲啦..
一邊就係度暴走式點歌唱歌~
一邊係度玩大話骰猜枚同789..
個個都超high..但係我就好早訓低左..
因為都飲左好多杯純ge...搞到個頭同個胃超痛..
仲湯左好多次...當中發生左咩事都唔記得哂lu..
只係聽到好嘈..到依家只係記得未wing戈陣ge事..
新哥, hk都wing哂..契媽都唔掂..haha
隨著時間ge過去...一個接一個咁走..
我只係識對住佢地揮手講掰掰..連邊個走都睇唔到..
最後走剩十一個人...留守到最後先走..場k埋單1850~又唔洗我出錢~haha
仲有支酒可以拎返屋企添~有得玩有得拎~haha

出左黎之後都幾涷下...joyce, 雙同eva就走左去先..
其他人就去左OK...amy話去買野食wor..
因為我d酒癲未清哂..係出面坐..
同kristy戈d一齊係度發下酒癲..不過都唔係太過份~
amy就狂係度笑..真係超似傻婆~haha
阿連就最犀利~佢最清醒~不過就唔知佢飲左幾多...
之後就分左三架的士返去..小q送埋我上樓先走..
沖埋涼就訓...結果...眼光光到11點幾都訓唔著..
可能係因為仲沉淪係戈一股興奮度吧~haaa

咁就廿歲人啦...十位數字大左一個number..
感覺上好似真係老左好多...
呢一次..可能真係最後一次可以有咁多人同我慶生ge生日會..
下一年ge呢個時候...每一個人可能都已經身處唔同ge地方..
要相聚一齊唔係咁容易...只係希望...我地即使已經分開左..
唔可以成日都一齊玩..一齊笑..一齊緊張..一齊愁ge時候..
都唔會忘記我地任何一個人...呢個係我今年ge生日願望..
過到黎聖若瑟..我有以前從未感受過ge感覺..
感受到團結...亦都睇到朋友之間的關懷..
以前身處ge地方幾乎睇唔到呢d野ge出現..
呢一樣野亦令我改變左好多...
如果係以前..你地一定覺得我好似一舊木..
但係依家..你地只會覺得我..有時好抵打~
有時又好搞野...之類...呢d都係因為你地我先有d咁ge改變..
睇過飛飛ge生日卡..佢話因我已經變左好多..
但係我因為你地改變得更加多...



 

 
巨大打火機
 
一千二百二十三個一毫子

日期: 二零零八年十二月三日至十二月八日
活動名稱: 聖若瑟教區中學第四校高三文商組畢業旅行-韓國六天遊
地點: 首爾
費用: HK$5260(不計其他費用)
其他費用: HK$1200 (約22萬韓元)


考完試之後..
基本上都係上唔到堂..
加上知道自己GE成績..
心情都唔好得去邊...
不過知道就黎去旅行...
點都有D雀躍...

旅行之前四圍去買旅行所需GE野~
除左必需品之外...其他野都唔係買得好多..
拖鞋居然買左成個星期都買唔到..帶自己戈對去就算數..
買左個腰包...又買左對鞋...不過冇帶對鞋去..
整左件雪縷~貪佢大件...冇諗過要帶羽絨去..
話俾人聽個個都好似好驚訝咁....
又問我老母借左個GIP...屋企戈個真係太細...
裝到衫就裝唔到其他野...
出發前兩日就執好哂D野...晚晚同人討論有D乜野冇帶咁..
搞搞下就到出發戈日啦~


因為行程亂...記唔到成個次序..所以都係大約咁講下..

8點半係港澳碼頭集合~
有小Q老豆車我去~唔洗咁趕~HA
去到已經有好多人係度...
傾下帶左乜~又睇下個GIP幾大..
影埋團體相就去上船過香港~
坐左40分鐘左右就去到赤X角..
搞完一大輪就上機去~
又呆左3個鐘...終於都去到首爾
過左關~換左181000WON
出到機場出面..冇想像中咁涷..不過好戲在後頭..HAHA
之後就坐車去酒店~
同契媽同房~間房比上像中細太多..
不過設施都幾齊全~
放好哂野就去隔離房玩..
不過之後戈咁多日..主要都係圍繞住三間房玩..
我戈間...魚皮新哥戈間..豬彬MELON戈間..
晚晚都嘈到拆天...又多人到傻...
癲起上黎可以有成廿幾人塞埋係一間房度..

除左走人戈日之外..
日日朝早都係7點鐘起身..
但係晚晚都2點先訓..真係有D頂唔順..
而正餐方面...講得上話好食GE..真係唔多..
自費GE就OK...佢地安排GE...烤肉就最掂GE一個..
不過就滯到怕怕...唔想再食第二次LU..
街邊野食就最正~平靚正~又抵食~
即使去左好多可以SHOPPING GE地方...
都買唔到野...唔係貴就唔岩洗...
所以錢都唔係洗左好多...
都係用係食戈度...
手信雖然好多地方都可以買到..
不過都係買唔落手...最後都係買左少少土產..
加埋D算係用得GE野...

去過邊度...因為都去過好多地方...不能盡錄...
遊樂場戈D...大就係大..刺激野就唔係太多..
去好多觀光景點~係咁影相...乜都影..

最開心GE就係...本來話第二日有三成機會落雪...最後冇落到..
但係到左第五日...落雪呀!!
咁大個仔都係第一次見到雪JA~~!
仲落左好耐添! 算係不枉此行LU!!

經過咁多日...食GE唔岩..又訓得唔好..
又通頂玩...到走戈日仲冇訓過添..
搞到又頭痛..又胃痛..又反胃...喉嚨仲沙哂...
有D可以話係俾錢買難受...HAHA
不過呢個難都過得好開心~
永遠都唔會唔記得呢一趟~!

相片後補!!

 一連兩天半嘅校運會結束左啦~
同上年校運會最大嘅分別係...
天氣非常之熱!燙!曬!滾!興!
每日朝早都熱到七彩...
下晝還好...陰陰涼涼..
去到乜野都唔做得...
唔聽得歌...唔睇得書刊雜誌..
唔可以玩"玩具"...
雖然話就話可以溫習..
但係邊會有心機溫得架...
即使下個星期測驗密度好高..
但係受環境影響..冇意識想去溫..
帶左去都冇睇過...三日如是..

同往年一樣~都係做班代表嘅旗手~
令我諗返起以前童軍戈陣做旗手嘅時候呢~哈
13人除左班牌外..全部一式班服~
13名運動員代表名單:

我(旗手) 嘉西(班牌) JOYCE 西施(護旗)
成哥魚皮 發哥 阿連 中指 RAIN 飛飛 AMY 夏惠姨(方陣)
班旗班服都係JOYCE設計嘅~好好睇~
起步前係度玩~影相~好鬼興奮~哈哈
開幕禮開始...就咁行過去...企一段時間..就退場啦...好快搞掂..
完左之後就拿拿林攞金帽著外套...準備OPENING表演~
企好位~等音樂開始~ 睇落好似好型咁..人地睇落囉..
想像自己戈陣個樣..好似怪怪地..算啦..都係表演一次JE..
比之前練習戈陣更差...都OK唔齊..之後男女相間戈度..
企到亂一亂...唉..無眼睇嚕...完左之後快快趣落場..
D嘉賓走戈陣係度拍手...睇落好似見到佢地走好開心咁= =係唔係有D問題?
拎左頂金帽返去...唔係攞黎做記念...係攞黎遮太陽...
戴住真係會涼D~ 唔怕俾太陽曬到正一正~ D人話頂帽同我好襯..
但係我又未睇過自己戴金帽個樣~ 唔知係乜樣嘅呢? 哈哈

由於太陽嘅陽光曬得好應...
好多人都只係響座位度擔遮~睇住人地比賽..
再唔係就發呆...拎左本書出黎都只係放係度...
完全冇心機溫習...索性唔溫睇比賽..
我係烈日下居然少有咁冇乜流汗~
只係個口一直都好乾...只可以係咁飲水..
食野都冇乜胃口嚕...何況氹仔真係唔知有乜野食..
間間都貴野...無理由又餐餐M掛?!
第一日中午出左去食牛雜...又貴又少...
第二日識做啦...問表哥攞飯卷~ 留返係度食..
食完再出去百佳買盒一公升蜜瓜奶~抵飲呀!
返到去見到副枚係度= = 同學生搞好關係?
同佢講左幾句~ 多數都係佢自己講..我地冇乜點出聲咁..
有時仲好似無視佢講嘅野添..哈

我地班唔算多人有比賽..數數埋得十五個有比賽...
佢地都用左好多時間準備~
希望係最後一年拼一拼~
接力四人組跑一百真係跑得好快..
真係好似飛人~睇住佢地跑都好爽~
每次有自己班嘅人出賽~我地D人就係度大聲叫嚷~
為佢地打氣..尤其係阿連...小Q話係對面都聽到佢叫= = 真係好犀利..
經歷左兩日半嘅比賽..結果係

女子接力攞到第三
阿連跳遠第三.
成哥一百二百第三~
可惜嘅係..男子接力...被當二次犯規取消資格..
原來是第二名...現在化為烏有...
每個人回來的時候都一臉無奈..班上嘅人亦都因結果而DOWN左落黎..
好彩每個人都無一直灰落去..好快就回復返..
最威風嘅都係~ 係頒獎台上面揮舞班旗嘅成哥~哈哈
而我亦都幫我地班攞到一面金~ 算係有些少為自己班增光吧~
聽到魚皮同西施講嘅一番話..
「唔好在意自己有冇出到力..
只要有放個心落去投入就夠啦~
你有報呢個比賽~證明你都有心~」
以前去親校運會...都係處於玩樂心態~
即使自己班嘅人WIN左...自己都係無動於衷..
但係今次...自己嘅朋學WIN左...自己也會感到雀躍~
LOSE左...自己亦都會感到失望...為佢地感到唔抵..
可能是最後一年嘅校運會...由其投入...發現到當中嘅意義吧~

啦啦隊比賽...好多人都冇乜心機跳..
每一次出場戈陣都唔同人數...唔係出去比賽就係失左蹤..
因為男仔唔夠嘅關係..我又冇啦啦出左去做班代表...
我也只有無奈咁跳...算啦...唔出醜就好~
第二日抽左籤之後...冇啦啦聽到廣播話高三棄權比賽..
有人講過話棄權咩? 但係好多人都鬆左一口氣...唔洗跳~
但係其他級跳哂之後...都係要出返場..但係比之前跳得好左好多~
即使預左係會輸...但係都跳好每一次嘅表演~
咁樣先可以令到之前嘅練習有返一個補償~
最後雖然得第三...即係高中級包尾...但係又有一個最具創意獎= =
好多人都講..個獎咁豬嘅...哈哈= =

係最後一日發現到一樣野...
好離奇= = 我個樣好幾次出現係大瑩幕戈度..
一係就運動員進場戈陣...一係就跳緊OPENING戈陣...
再唔係就跳緊啦啦隊...幾時影左咁多相架?!
我只可以用無奈笑黎面對呢個情況..哈哈= =

閉幕啦~ 運動員代表...當中AMY轉左做嘉明哥..
又成班玩到落哂型...連要起步走都唔知..
行到主場區仲係度揮手~扮奧運D運動員咁~哈哈
又企左一段時間...頒獎啦...大會安排得真係好唔恰當..
點解頒完壓軸嘅先黎再頒D普通架?!
咁樣D壓軸點叫壓軸呀? 都唔知D人點諗野..
唔一早就頒好佢...係度拖時間...

算...有獎攞就好...如果佢完左閉幕禮先頒..
咁我寧願佢就咁派俾我算啦...唔洗頒啦~

散場後...全級高三大合照~
超有FEEL~ 不過幅相應該會好大幅...
之後自己班嘅同學係度狂影相~
我就夠爽啦~ 揹人抱人俾人壓...
不過真係好開心~ 呢種快樂係以前從未有過嘅..
所以..我要好好珍惜呢段回憶...
亦都要好好珍惜剩返落黎可以同佢地相處嘅時間..


下星期測驗測驗測驗~
我要努力努力努力!!!

高三全級合照

好開心可以與你合照.