呢個星期有成四科測驗...
科科都爽爽地...
星期一搞掂左地理...
都唔知係我搞掂佢定定係佢搞掂我啦...
成份卷只係空左兩格填充...
但係做左戈D都唔知岩唔岩答案...
唉..算啦...都測左啦..派卷戈陣就知咩事啦~

今日重陽節...祝大家重陽節快樂~哈哈
朝早一起身...老豆第一句就係「打鑊甘!」..
唉..無奈...不過講得出重陽節快樂呢句話..
可能我真係好似阿連話我咁「搏打呀?」~哈哈

即使係放假...都唔可以好好咁訓下...
神咁早就俾人叫醒左..但係醒左又唔知做乜鬼..
雖然聽日係測英文...最唔在行戈科..
但係又冇咩衝勁去溫喎...所以都係係度吽..
到下晝...搵埋HK 表哥 成哥去亞洲打左陣機..
之後HK走左~ 剩返三條友仔過左去狗場~
本身以為阿連去..諗住順便拎本數學簿俾佢..
不過佢對腳抽根死~所以冇去到..
我同表哥係校運會報左鉛球~所以又順便去練下..
好運吉咁..拎左三個鉛球出黎...有兩個係一樣重嘅= =
7.2KG...都OK重...雖然最近呢個星期幾乎日日都有舉啞鈴..
但係好似都冇乜作用...可能我真係太耐冇練過...退化啦...
又加上姿勢不太對..又唔識好好運用個場地同埋力量..
推到唔知似乜鬼... 之後魚皮都黎左..佢又推埋一份~
哈哈..佢都幾犀利...可惜冇啦啦鉛球戈度冇左佢個名啦..
唔係嘅可以正正式式咁同佢鬥一次啦~haha
再之後melon都黎左...又話推下...不過好似推唔郁咁..=
推左冇幾耐表哥就閃左... 成哥佢地又練接力~
我推多幾野都閃啦...不過拎返三個鉛球返去都幾爽= =

之後拎簿俾阿連...返到屋企又出返去問飛飛借野影印..
唉..早知就一次過問阿連攞黎影算啦...
鬼死咁多車...塞到傻...
但係攞攞埋D英文..先知原來都幾多...
雖然有D之前有溫過..但係都唔記得7788啦...
都唔知點算... 夜晚溫又溫唔入腦...
唉..都係聽朝5點起身溫啦...
好彩佢下晝兩點半先測JE~HAHA
但係...仲有篇南京大屠殺要作...
WHAT THE HELL!!


黎緊呢個星期日就鉛球決賽啦~
雖然冇哂校運會嘅FEEL..
但係我都會全力以赴!!攞金!! HAHA(攞到嘅話..)
聽日又調位...唔知會調到邊到..
自己坐定係點呢...? 呵呵

突然很想知道...你是怎樣看我的呢...?
每天默默地看著你...卻想不到如何引起你的注意...

放假...本來係戈應該開心嘅..
但係...我真係寧願留係屋企..
諗住星期一二TEST哂..
可以去玩下..輕鬆下~~等返到黎再搏殺..
但係...真係獨自一個去行街都冇咁無奈..
本黎諗住一班人玩下~應該會好好玩~好開心~
但係完全係超乎我想像之外...
睇黎我真係過份期待今次嘅活動..
果然真係希望越大..失望越大..
如果一早知道係咁...
我諗我真係唔會去...費事浪費時間金錢..
而且...完全唔覺得有咩野玩過下囉..
上到去..完全係度發吽豆..
好似山長水遠咁係為左上去訓教..
諗住話第二朝會一堆人殺上黎...應該開始有節目啦掛~
但係夜晚訓教又超頭痛..到朝早先訓得著`
個個黎到話肚餓話去食早餐...某人又話唔好等我地
.好啦~諗住起身刷牙~一齊去~
都未出廁所門口..就開定門走人..
好LA~到中午話食野~搞掂好哂落去...又話慢又話乜
但係又咪走鬼哂 有野搞就一開始唔好等我地啦~
食完過去超市埋堆~ 又分開哂兩堆黎搞..
去完又話去揼骨..由戈陣起就開始火起來..
唔去揼..返去訓... 訓著左..成班人返哂黎都唔知..
一入到去...訓醒啦`??
好啦~佢地睇完碟..咪鋤下D 玩下UNO..
諗住總算似返少少玩嘅FEEL...
但係又係分開兩批黎玩...
玩完..中指上到黎...話去食野..
又一個話呢度..一個話第二度.
得自己一堆係度講講講...好似冇理到我地戈堆有咩意見咁
好~分開囉~ 既然玩小圈子~ 一齊行動都冇意思啦~
提早落澳門更好~ 起碼仲有一整日黎做其他野
又唔洗係度得自己一團係度唔知做乜咁..
覺得即使係監硬一齊去玩..亦都只係各自孤立...
我老豆講得岩...咁多人..點會好玩..而且根本係無得玩
再加上中間有D害群之馬係度嘅..
一齊上度黎咪一齊行動... 去邊都好玩D啦~
帶頭係度話走走走 ...
所以真係...下次"若果"有機會嘅話..無謂搞個墟黎
有心分堆嘅~亦無謂叫JOIN埋一齊

題外話:
返到澳門去搭巴士...
諗住搭9號或者9號A嘅..
結果係巴士站熱左半個鐘都冇車..
有人去問去投訴個站長都唔理..
見到隔離有部5號..就唔理三七二十一上車先算..
開頭已驚上到爆哂架車... 去到三角花園仲更多人..
算啦..係桌仁落車..落3個...上7個...OH NO...
行到去紅街市...見到有6架9號車係度= =
依家先有車...仲有咁多部= =唔係掛..
再行到培正之前...再有4架= =OH MY GOD>..
算啦..都話返到屋企...無謂傻眼...

P.S.
To 小q: 我知道你想JOIN埋我地玩...但係真係好不爽..
              對比起上次...今次真係運吉..真係上次咁人少少仲好玩得多..
              下次一定會搵你去再好好玩一次嘅!
To 豬彬: 唔洗為你今次叫我地上去玩而後悔OR自責..
               你完全冇錯..又供應地方..又要執手尾...
               錯嘅係我地無好好咁安排好...
To 某人(若果你有睇嘅話):今次上去其中一個目的就好希望可以同你一齊好好玩一場...
                                             然而你只係一直聚埋係戈一埋度..雖然你係同佢地熟...
                                             去左三鄉戈一段仔時間..說話都唔多過5句..
                                             而且..也開始胡思亂想..
                                             老實說..真係好鬼炆...玩戈陣..難得玩下..你就出左去埋堆..
                                             唉..真係失望到....唉... 

又懶左..冇打到日記...添..

開左學成個星期啦...
但係都仲係唔覺有讀書氣氛...
可能真係有測驗考試先會有FEEL掛..哈哈~
個頭亦都搞到唔怕俾人捉啦...
但係其實仲算係犯緊校規...
不過好彩ar sir嘅不知名犯傻..
同埋兩位MISS嘅體諒下...
唔洗屈我去拉直~YOYO
對於依家個課室...只要有開冷氣..
都唔算太熱嘅...缺點就係個鴛鴦地板..
同埋太應聲....後面講野..前面都聽得好清楚..


面對呢一年嘅授課老師...最火嘅都仲係董XX
點解D咁嘅發瘟都可以黎教高三~!?
每一堂都講D狗唔搭八嘅野..
同倫理一DD關係都冇!!唱歌又難聽!
都唔知點解要搵佢黎帶唱聖歌..
再好聽都俾佢唱到似喊喪啦!

其他老師都唔大問題...
雖然數學個老師覺得佢怪怪地...
中史...本身人係幾好...但係唔鐘意佢戈種教書風格...
最幸運嘅係(個人認為)
唔係古將軍教中文...噢~謝天謝地呀~

對於班主任..
至少佢比上一年嘅緬甸好吧~~
佢講嘅英文大多數都聽得明~
而且佢都幾搞野...
不過有D人唔係幾LIKE佢`..
我就覺得唔錯係啦~

奇怪嘅係...
冇啦啦有葡文堂= =?
唔講我初二學過...童軍講過= =
依個時候先黎有葡文...好似冇咩用-= -
高一開始學都話..依家..一個星期一堂...
學到唔咸唔淡...仲衰過唔學..
加上個鬼婆教...係就係識講中文..
但係又冇啦啦彈一串超快嘅葡文出黎..
嘩...想點...


岩岩開學之後..
就得知呢一年會有好多野搞...
校運會係10月尾...
又會有班服設計..班旗= =..啦啦隊=口=
基本上係得第一樣係比較上心吧..
另外兩個..班旗冇啦啦話要整..上年都冇..
啦啦隊...Qoos度就鬧度嘈生哂...
不過事實上...啦啦隊實在係無謂左D...
對於我地高三黎講...冇啦啦浪費D時間落去啦啦隊度...
咪冇哂時間溫習..?! 今年考大學wor!!
而且校運會後無幾耐就第一段考試啦`~
仲搞乜鬼JE... 


依家上堂又去返全日制...
以前都返開全日架啦~
所以都冇乜野...返早放早..返晏再放早..
都幾爽嘅...只係星期六朝早要返...
同夏令一樣..都係4校上..
但係自己成日都預唔到行過去嘅時間..
一時岩岩好...一時又剩好多時間...
都係日日都早早出門口好嚕..



5000蚊收到啦...
一瞬間就用哂~YOYO
買左部手提電腦..希望可以限制住自己唔打機吧..