OH SHIT!!派卷啦!!
中文哇!!地理哇!!
唉..只可以硬著頭皮去面對佢地..

中文...41-1分...1分係改錯左之後扣返嘅..
填充有5格..我本應該識架!!點解會空左!!?"
算係比我想象中還要高分啦...我以為我只會到2字頭..
要家長簽名喎...唉..點叫我老豆簽呀..都係自己簽架啦..

地理...45分...比我想象中還要低..
有好多我本身識架!!唔知點解臨場戈陣唔知去哂邊..
同中文一樣..真係溫得極之唔熟...

唉...依家佔有地利..可以聽下書..
希望可以入到腦...對測驗有幫助啦...
仲有英文聽日派...好似世史都係..不過我唔記得有冇測過驗- -
唉..真係唔想三科加埋都唔夠一科咁多分呀!!!
下次測驗真係要努力...唔係嘅話真係會出大事...

放學問MELON借佢架勁箭黎玩兩手~
125果然係唔同D...俾少少油就禁有力~
唉..有牌冇車真係有點兒自卑...
想要車就要係澳門讀...但係我又想過台灣...
真係冇兩全其美嘅事?!

尋日下晝同成哥表哥去左拱北Cut Hair..
好快就搞掂左...又去睇左陣碟..雖然買唔成..
買左個雪糕吃~好多年都冇食過...但係好似少左好多隻味簡囉..
呢日就咁過左去...等聽日星期日鉛球賽...


今朝6點9就起左身...
刷牙洗面換衫...
見到阿連超早online..佢地去開平wor~
唉..真係羨慕佢地冇啦啦有旅行去..
之後出去搵契媽同表哥食早餐
諗住去買支蠻牛...
但係7仔得D力保健..紅牛之類..
結果最後都係買唔成..算啦..就咁去賽...

去到就做檢錄...之後等開始..
都幾多人報左...個個都有一次機會試推~
由三個人因為之後要去賽波..所以佢地快快趣咁推左就走人..
之後先到其他人推...我21號...好快就到我..
睇見都OK多大隻嘅人..我本黎都諗住有返咁上下危險...
不過頭三次推..都只係有一兩個有威脅...
最後剩8個入決賽...我頭三擲嘅成績..7.35M  8.23M 8.17M
至少我一定入決賽..頭三擲都冇人好似我咁遠..
不過之後有個人突然爆SEED...推到8.20M(好似)..
差少少就過左我...而我後三次成績.. 8.05M 7.35M 7.05M(撻Q= =)
如無意外..應該攞金吧...不枉為最後一年啦~
之後同表哥契媽去食七賢...因為餓得好快..

今日超勁多人賣旗囉...估唔到連平時賣旗人士都唔入嘅地方..
都有大量嘅小至中學生係度...窮追猛打..擋路...
早知我都係屋企攞定幾塊貼住佢啦...因為我阿妹都要賣= =

下晝又同HK&魚皮去打機..之後陪魚皮上去拱北買釘鞋~
行左幾ROUND先搵到.. 又想買拖鞋..但係又買唔成..
之後去食左7蚊粉...平靚正..只係熱到HIGH哂= =猛出汗..
AND THEN買左兩對長襪就返歸LU...
只係返到屋企我阿麻先同我`講話有好多長襪..早知就唔買啦..

聽日又返學啦...全部孖堂..oh no..
派中文地理啦...shit!  中文500%炒硬啦!
地理又唔知測成點...唉..真係唔想返學..唔想面對測驗..
但係放假又冇咩做= =
 

睇澳門電視台新聞報道..
話台山戈頭個色魔俾差佬捉到..
睇落都幾隻粒...突然覺得佢咁嘅樣做色魔係理所當然= =

尋日TEST中文..
之前感覺好似好少野溫咁...
但係結果果然冇咁著數...
溫戈陣又係溫極都唔入腦...
溫左但係又唔記得嘅野又隨著時間嘅流逝而越黎越多..
做份卷...不出所料...好多都唔識做..
有印象但係又磨唔出個答案...唉..
繼英文..應該又炒一科架啦...
成個星期測四科...都唔知有冇一半合格..

今日測數...尋晚就幫班友仔溫..
放左學留係課室溫習...
阿連、小Q、成哥、契媽
圍圈坐...其實似玩多過溫...
溫到六點就閃...HK搵埋我地一齊走..
成哥就冇啦啦唔見左個學生證..
搵黎搵去都搵唔到...之後先知係JOJO度..HAHA
8點後又去左台M溫...8點9先去到..
等埋阿連沖完涼先行= =
去到魚皮同JOYCE已經到左啦..
溫下吹下..表哥同表嫂又黎埋~
其實都只係做之前D功課...唔識先教點做..
後尾CARMEN都黎..似趁墟多D...
隨著夜已深&睡意侵襲...一個一個咁走..
最後剩返阿連係度...我就係度玩NDS..HAHA
1點多先閃人..返到屋企就訓教..
訓四個鐘又要起身...難得咁好訓...
頭兩堂就係數後堂..頭一堂可以溫習..
我就係課室行黎行去..
測啦~ 以異常嘅速度去做...
俾最後一題難倒...結果都係諗唔掂..
黎黎黎坐隔離...佢真係幾好眼..
抄抄抄抄抄抄...豬彬就係佢後面抄抄抄...

唉..坐頭位...更加頂唔順TFL呢隻怪物= =
又講D語無倫次嘅廢話...「可唔可以靜D呀?」
黎黎去去都係呢句..WHAT THE DU...

下晝一返到黎..就見到何X華係度走黎走去..
問佢改完未..測成點...佢又唔知俾d咩反應我.,..
吹多佢幾句...佢先拎疊卷黎派~ 佢都改得幾快...
嗯!!比想象中成績還好!! 115分!! 雖然..
呢一科可能係呢個星期嘅唯一一科合格...
抄我嘅黎黎黎都有108分= =
豬彬都有95= =佢仲鬼死咁興奮...haha
有黎溫習嘅成績都還ok..吧..
唔知表哥點嘅樣= = 阿連緊緊...
joyce就衰左...下次不等式再幫佢扯高d啦~haha

之後中史...睇南京大屠殺嘅片..
其實真係有點誇張...雖然係好慘...
但係都不至於要喊吧...黃x玲真係有夠性情..
又佈置d寫餐死嘅功課...唔係測死人就做死人...唉

放學後練啦啦隊~
終於都做哂成隻啦...
不過覺得怪怪地...做戈陣有d唔自在咁..haha


6點幾老豆放工返黎...
第一句就同我講..老師讚你成績好呀!
我當場呆左..但係聽佢嘅語氣..都知係衰野..
但係卷都未派..即係我心中有數成績係點都好..
都唔會咁快sd野過黎掛?! vocab我冇乜溫到先炒je..
小測都要sd?! 之後先知原來個個都收到...
稍稍鬆一口氣.. 至少今晚可以靜下...

聽日星期六..冇功課冇野測~爽爽爽
下晝去拱北啦~ 剪頭買野都好~輕鬆下..


後日就鉛球決賽啦...都係以志在參與嘅心態去玩就算啦...
幾晚冇操到...成績唔方好得去邊lu...

想一直跟你握手..一直跟你相望而微笑..
一直可以幫助你解決困難...