今日又要返學,放左成3日假,但都係好似冇放過假咁...
星期6要返學,星期1要補習...可能因為咁所以覺得未放過假啦
今日因為等阿岑所以遲到,等唔到佢...都要遲到...但佢中途追番上黎
而我講既遲到只係遲入早會啫,今日吳子聰同衰銘都係遲入早會...
我既準時紀錄冇lu...頭2堂係bio同maths~小息~同吳子聰傾計
傾計期間,我打到某位女生既屁股附近,我都未講sorry~
在此,同佢講番sorry(不過佢1定睇唔到),之後2堂phys
牛奶同嘉琪等俾sun sir調走左,成張枱得番我,女人均同張柏基...
之後又係maths,再之後係中文,中文份作文同學改既份係43
miss謝係41,究竟係邊個幫我改?知情者唔該down聲
或者係當時人而睇到呢段野既亦down聲丫唔該~之後派測驗
之前上524個份...得個11分(係11/30)lunch +2媽媽今個禮拜都唔會黎
結果我地去左佳富,但得我同衰銘去左下佳富,其他人去上佳富
之後謝恆江同林寶都黎左,最尾個3堂係TT,傾下計,睇下漫畫,睇小說咁就過左
到而家王孔鳳都仲未收我TT書既錢...放左學係304自修~
係中途我溫溫下訓著左...由4:20訓到4:50左右...好彩冇人發現...
之後5點就走lu,牛奶叫我陪佢去3聯買危險人物2,但我因為眼訓所以唔去...

今日原本可以冇野做,全日係屋企休息
但現代改左時間,結果又要去補習
12點半同+2出左荃灣食野,1點先出去荃灣
食完就係附近行左陣,之後諗住早3個字上去
但我地已經排到好後...好彩今堂係video
坐邊都係1樣,臨入去前打俾升升,原本佢唔知今日要返
放左之後就係千色店個邊行左陣,行到5點3左右就返屋企lu

ok,已經到左10月啦,之前應承左自己10月開始溫書既
當然啦,呢2日已經開始溫,日日留係學校溫到5點半
但因為今日係假期,所以星期2先開始溫書,聽日開始寫時間表
今日係國慶,作為中國人既我,冇咩感覺,可能因為我係香港人...
不過1聽到國歌就有少少驕傲感,驕傲係因為我係中國人
中國係4大文明古國之一(唔好以為我未讀過西史)
既然咁勁,我梗係覺得中國人勁架,奈何俾國內同胞影衰左...
好慶幸我係香港人,好少俾人拎大陸人黎作等如...
今日上下午都係屋企,6點鐘出左旺角,係左陣聯合間漫畫店
買左本小說(漫畫店買小說?!)之後係左信和,都係睇下漫畫咁啦
之後係返去地鐵站d3度,d人黎齊哂...有jason,janet,sunny同ivan1號
仲有ivan1號既女朋友,不過我地上左去等位佢先去
唔記得左講,今日去左食韓燒~真係好味...食到9點幾,iavn同佢女朋友走先
我地就坐多陣就埋單啦,之後我地4個周圍咁行,行到10點半就返屋企
搭44又係個架車(HT9516)返到屋企11點3左右

今日又要sat test,因為開媽遲左起身,結果要讓佢用廁所先
所以今日我約牛奶8:15去到m記,實際係8:15先出門口
8點半先去到,係m記食左d野,係咁意望下本書就返去lu~
頭個節測中文,算係識啦,不過唔知作得岩唔岩,之後就phys
溫左咁耐,都係得個吉,好多都唔係好識...測完就同+2,升升搭車出荃灣
因為升升買野食,所以又走左班車,去到現代岩岩好1點
等到搭4先入得去,今日只係睇video無奈...派筆記又係英文版
問佢有冇中文,佢話冇...屌那星...人地講到明要中文架ma
你俾1張紙我都好丫,紙都冇張,仲衰過上次...補完就過左千色店
送升升搭車,個時我就差d中頭獎,中左個二獎,有撻不明物體跌落我隻手度
之後去左廁所洗手,之後係銀龍食野,食食下嘉倫黎左,之後我就返屋企
洗番個頭先入屯門,係葵芳買左2本漫畫,之後搭58M(JU9958)
好耐都冇搭過超豪,今次仲行屯門公路tim,可惜...部車其實唔算慢
但個波箱好似壞壞1,經常性聽到轉波既聲音,轉完1次又1次...
係屯門食飯,食完飯8點9先走,之後同+2去長發食糖水,原本衰銘話黎
不過都係唔黎得,司徒又話去,點知原來成點幾先得...結果都係得我地2個去食
如果得我地2個既話,次次都係講學校呀,CE既野,今次又唔例外...
食到11點3左右先走,返到屋企成11點8 lu~

今日朝早諗住買水飲,點知今日居然冇水賣...
早會係前場排隊,因為要升國旗,我地班特別出眾
因為人地打直排,我地就打橫排...原本係國旗個邊講野
點知個邊收得唔好所以係我地前面講...謝佩慈今日又出黎講野...
不過佢都係以笑遮醜,因為個咪收得唔到,我地都係度笑...
今日亦好多人著便服,有d著得真係幾好,但有d就著得好「潮」
今日唔記得帶防「潮」珠,差d俾人感染埋1份...
頭2堂係bio,過左lab度睇強戰世界,真係唔明,呢套戲同bio有咩關係...
以我記憶,係bio堂睇過魔界,陳其香話要保護環境(好似唔係好關事...)
又睇過荒失失奇兵,佢話睇動物弱肉強食同求生本能...(係就睇紀錄片啦)
而家睇強戰世界又好似係講咩肥料呀,單細胞之類既野...
真係唔知關事咩...倒不如睇紀錄片仲好,不過好似唔止睇過呢3套睇架...
不過上bio真係好,有得睇片...之後2堂pe,玩下羽毛球咁啦...
第2個小息又有番水買...好野...買水期間,我見到貓王,咁我地1齊排隊
前面有班男仔買緊野,其中1個就話:我地行開唔好阻住人啦
我同貓王異口同聲咁1齊話:知就好啦!哈哈,之後2堂chem,做下堂課咁啦...
lunch之後3堂eng,落左203...做newspaper cutting同listening
m聰唔識開203個鎖...結果我開,入到去上下網,做左newspaper cutting1堂
對完答案之後原本做listening,點知陸志偉既執著令我地白白上左2堂網
因為佢1定要用耳筒播,但又鬼死咁細聲,用喇叭播都仲大聲過佢,但都唔用喇叭播...
係203真係正~除左隻鞋擺係張櫈,用隔離部腦都唔用自己部腦,學陸志偉咁
1個人用2部腦,正,放學之後就上左304,去到先知漏左我d筆同計數機係203...
於是落006搵陸志偉,佢俾左條鎖匙我自己上去,係上面見到發哥同吳子聰幫我...
之後又落番006搵陸志偉,佢叫我拎條匙去DT室,之後上番304,開始溫phys
牛奶又話5點走,點知都係等埋我,5點等到5點3,之後又等到5點4,最後5點半先走...
+2又叫我上4樓搵佢,佢見唔到佢,去到涌美先知佢仲係學校...