今日都算易過既,全部連堂~
頭2堂係bio,過左bio lab
係咁意都聽下書,之後2堂英文
再之後係2堂chem,又係上左lab
lunch之後係中文,要互評作文
我原本個張偽陳佩玲,之後同莫家豪換左
換左王少菊個張...可以話唔洗改...
所以miss謝又俾多張我,今次俾葉子豪個張我
最尾個2堂原本係中文同budd,點知又要入hall
唔知乜野交通安全個d講座...麻鬼煩...
放學個時d人話瑞華行開倉,諗住跟大隊去~
點知又唔見哂人,所以我同吳子聰決定返上304個自修室溫書仲好
反正返到屋企都冇野做架啦,4:16溫到5:25
走個時係學校門口買左枝雪條食...

平凡的一天,沒有什麼特別事
中文係度發夢,maths用心聽書
bio都係咁意聽書,chem就勁留心聽書
phys就冇咁留心聽書,tt直情睇住漫畫黎聽書...
睇睇下愛生事覺得眼訓於是就趴左係度
唔夠2分鐘已經訓著左...訓到成3點半~
放學去左葉sir個自修室計劃,由304去左bio lab~
講下d規則咁,聽日正式開始,聽完就返屋企

我很孤獨,朋友們,所以不要離我太遠!!!不過扔棄我!!!不想再過以前的日子!!!

呢排牛奶真係好鬼黑...
俾人累到d野收完1樣又1樣
今次到我累佢lu~reading個時睇緊佢借個本愛生事
結果俾miss ip收左...都唔知有冇得拎番...
今日英文堂做個d英文好難...係時候要讀下英文啦...
小息,又俾牛奶同衰銘串==之後係maths同phys,今次maths有d難
不過其實我發現到d野...我好鬼鐘意上緊堂個時拎其他科出黎...
maths掛住睇chem...搞到唔係好識...phys又係掛住發夢
到左第2個小息又係拎住本chem黎睇,而且睇得好鬼祟...
牛奶就問我點解你睇呢d野都要睇到咁鬼祟架~可能係習慣成自然啦...
之後2堂budd,人地要test~我地做下maths,溫下中文咁
下星期好似可以落得圖書館坐,到時唔撚使再對住法師...
lunch今日+2媽媽遲左黎...等佢黎既期間,見到miss ip
於是搵佢拎番本漫畫,我口快快講左話本野唔係我,結果佢叫我同物主放學拎番...
lunch之後maths,謝佩慈出左去,所以空堂,由中文miss謝代...
之後就2堂中文,上左524,好聽d叫聯課,唔好聽就係test...麻鬼煩~
test左2堂,之後放學,擺低d野就落圖書館搵miss ip,佢傾緊電話= =
等左佢好耐...之後俾佢話左我同牛奶幾句就俾番我地~之後4點先返到上去補phys~
臨入課室都俾衰銘捉住...sun sir就講左句:睇下你識d咩朋友丫...
補到4點3左右就走得...

奇蹟...真係奇蹟...
maths居然奇蹟地合格
而且非常高分,69分,連牛奶都唔夠我高
雖然係其他人眼中唔算勁,但我覺得自己已經進步緊
謝佩慈好似同我講話我數底其實係唔差...
岩架,我中3拎個D返黎架...唔知點解而家唔得咋...
不過我會繼續努力讀maths,因為理科人係要讀maths架
下午個2堂英文又落左203
牛奶又俾陸sir串...落到去又做grammar
如果英文真係考呢d野既話,我相信亂做都會合格...
做完就打左陣機,真係好想買PSP呀><越睇越想買
可惜冇錢...最尾個堂又入hall,又係坐得好前...
今次早會好快就完...放學原本要補bio~而家又唔洗lu
行返屋企個陣見到迓佬,所以吹左陣水,順便煲左幾啖煙

唔係我搬屋,而係健哥要搬屋~
今日11點半出左去,阿姨又話返左新圍先
所以去左葵芳坐58M,點知又叫我直接去碼頭...
我又唔想行出去坐車,又唔想轉車,所以叫健哥兜埋我入去
雖然係van仔,但有順風車坐就唔係再嫌3嫌4啦...
入到去1點,之後搬完野就落左樓下食野
之後直接去市中心同新墟睇傢私,睇完又返屋企度尺寸...
跟住成4點半先出左沙田= =去到沙田成6點鐘...
淨係行直家都行左成個幾鐘...攰到爆...之後8點半先返屋企
返到屋企9點半...不幸既事又發生啦...5分鐘之內跌電話2次...
1次接唔住,跌落地下,1次勉強接到,只係跌落個keyboard度
再1次證實,nokia既機係耐跌既,跌左2次都冇事,冇壞到又冇hand機
後尾計1計,買機至今,跌落地下3次,3次都冇事,hand機自動重新開機1次
hand機要拆電先得既就2次...