去完camp返黎喇~
12/5 大約一點搭車去西貢戶外康樂營(已經第3/4次去-.-)去到就坐係會堂，聽佢講廢話，
之後就分房，同sin、瑩、玲、妍(另一個妍黎嫁)+三個f1仔
又返去會堂，又分組(又要諗組名'洪興'，同埋口號)，搞到冇得同fd一齊！分完又玩下活動，都幾快過
食晚飯又係分組-.-''有碟 酸甜骨 之類既野，我一舊都冇食過~
之後自由活動，我地去玩桌球，唔太識玩，10點返房，沖完涼之後SIN第一時間打比佢老公仔，爆SWEET
搞到我就無奈囉~我本來都想打比'你'，但太夜，知你訓左^^
夜晚D F.1仔勁快就訓左，得返我地5個人，開頭玩啤牌、UNO，玩到好似4點就玩TURE OR DARE
但玩唔到DARE，所以就轉玩—ONE條問題，個個都要答—就咁我地知道左好多人地既情史
佢地個個都好感/中意過唔過5個人，但我就...11個XD
後來玲同妍都訓，得返3個，5點之後就得返我同SIN，就狂傾佢老公+'你'
5點半，我地都冇野傾+[支力]，但我比佢遲10分鐘訓
13/5 佢話7點集合，我地6點就要起身(訓得20分鐘SOSAD)
要去做早操，勁無聊囉~又[支力]喎~搞到8點鐘終於有野食喇
包+腸+通心粉咁就一餐，真係慘...
之後9點至12點又係自由活動既時間喇！我地借羽毛球去室內體育館，
玩雙打，我同SIN一對，未停過手，但我地以為班F.1仔係房所以冇鎖門(我係房長，要KEEP鑰)
佢地就走左出黎，又要我走去鎖門...頂！ PS:打波果陣我同'你'傾緊電話
順便飲埋野先打過，SIN話[支力]，所以坐係側邊繼續同你講野傾計(話串咀都得)
抖左一輪又打過！都係串緊咀，所以打得特別好(有你把聲支持我嘛XD)
但WING姐班人又黎左玩，唔想比佢聽到我同你講既野所以收線(其實我勁唔想收線嫁，不過…所以逼住要收>3<)
一路打到夠鐘，去食LUNCH食左唔多野囉~跟住又玩活動，玩6-8個人企上報紙，慢慢[接]埋佢，我組玩到LV7
但有一組玩到LV8，原來係因為有個男仔，佢[子貝]起晒5個細粒既人...
另一個就係七手八腳，要得指定數目既手/腳觸地，都唔算難玩，要計時，我組得第4名=.=
去BBQ~我食左2-3塊牛扒、1塊雞扒、2隻雞翼、2粒魚蛋+4-6粒牛丸
之後就玩 野外定向 ，都OK好玩，不過因為我怕黑，而且有人收埋左D ANS，搞到我幾驚...
呢晦因為[支力]+上晚訓得少，所以1點食完個麵就訓左~
14/5(出CAMP的一天) 一起身就見到班F1坐係度，換晒衫，我覺得幾奇怪(平時我地早D嫁嘛)
咪睇下錶囉~點知0710喇已經！(0730集合)之後叫佢地起身先知道0630-0645果陣手機個響鬧有響，
但一個就聽唔到，另一次就醒埋，但見我地訓得咁豬就冇叫我地-.-''真係好采我同SIN咁岩起左身..
都趕到去集合食中式早餐—油炸鬼+炒麵+一碟野+粥—我淨食3碗粥就算
又自由活動，我地係房狂玩UNO，玩到夠鐘走人！
又食野-.-我地發覺好似係尋日BBQ淨既野食黎嫁...去會堂話頒獎之後上房執野，1點集合離開
1320架車黎到，但佢又話要影相，明知咁X熱都要影...頂！
上到車就訓，訓得一陣炸~冇法啦，架車爆熱，都FEEL唔到有冷氣-.-'' |
(軍綠色的，挺不錯吧！)
(好好味呀！)
