哇哈哈!今日社際畫劇有結果喇!
冠軍:紅社(我個社黎嫁!)以古裝劇出位成功~黃社(真係好鬼搞笑嫁!)
亞軍:藍社(真係好好嫁，又得意又有教育意義)
季軍:綠社(拉幕真係拉得唔錯)
我本來係諗住:
冠軍:藍社
亞軍:紅社
季軍:黃社
殿軍:綠社
唔緊要啦~橫掂冇我份演出(如果有我既話一定衰硬!)
放左學之後，妍、曉同呷2點要去綵排，所以冇同佢地一齊吃。
跟住就同雲行一陣街，就返左屋企。
阿哥出左去我就完完全全擁有部電腦喇!
可惜...唔知點解冇得上網，連msn都冇=.=''
今日9點要返學校睇社際畫劇，
首先係藍社，
有教育意義之餘仲好搞野，
最緊要係有亞cat係度做第3者，
佢做樣仲on下on下咁唔知發生咩事。
跟住係綠社，
就講電車男2世既，
一個男仔中意左個女仔，
點知佢有病唔覺唔覺咁退學，
9年之後個男仔做左e生仲去e佢添，
不過佢做得最好既係成日拉幕，
同埋2個間場既好得意XD
之後重有抄奇幻潮既幸福當鋪，
都幾好嫁!
放左學就同呷、妍、曉去食野+行街，
曉就早左返屋企，
我地3個去妍home，
玩比卡超大富翁，
妍玩到我地破晒產，
好采last呷仲差妍錢，
我先未至於做輸家炸!
如果曉黎埋既話我會輸得仲可憐呀=.=
唔覺唔覺我就由31/12/2005寫到今日--8/7/2007，
一共一百二十二篇!
其中有三篇lock左，
一共六個分類，
有六十九個留言，
分別係十三個人留既，
有八個好友，
一千一百六十八人次來訪，
轉過四次版版，
呢個係我成長既歷程手記，
大家不防有些少耐性，
睇晒成個blog既日誌啦，
之後留言十卜下我啦!^^
今日我同人傾電話，
先同手機後用屋企電話，
傾完之後，
我就玩半個鐘電腦，
跟住就諗住落街啦，
點知我睇下部電話，
無啦啦叉緊電喎~
之前又冇人搞過部機，
我一向都唔中叉電而中意換電，
老豆阿媽就zzz，
阿哥又出左去，
都冇乜人用過佢，
之後唔理佢落左街啦，
返黎果陣，
又有人call我，
既冇來電又冇人聽所以收左線，
真係有D驚驚地呀...
哇哈哈!有好幾日冇打blog喇!
呢幾日都係番學一小時，去玩n小時喇!
日日番得一兩個鐘，都唔知做乜嫁，
一時拎獎，一時就on下on下咁坐係樹等佢放學，
之後次次M記(除左尋日去禾X)，跟住行好耐街，
再唔係就去妍/E既屋企玩，次次玩到5點幾先返屋企!
今日由03訓到11，訓咁少都好精神!
今日冇咩野做，咪玩下電腦，
同埋搞下我部手機囉~
唔知點解呢排我覺得好孤單呀!
呢個徵兆係代表D咩呢?
今日訓左12個鐘，好舒服!
起身玩電腦，爽呀!
一玩就上血染，煲左好多個鐘，
不過傾傾下msn就同人鬧交，
真係好唔中意呢個感覺，
前幾日先同人嘈完，
e+又黎多次喎!
嬲嬲地咪封左佢囉~
之後出左街，
去百老匯幫阿媽整野，
見到佢部手機功能好、
價錢又平左好多、顏色又岩我心水，
所以買左部黑色既6131^^
同人鬧完交之後又買部手機，
咁算唔算係因禍得福呀~哈哈!
返到屋企開msn，
唔知點解又唔想封佢，
所以我就....開封大吉!
又做返fd，真係怪呀~
今日返去學校話要升旗，咁岩咁鬼熱，真係難為我地~
上到禮堂話有個「yes!school tour 2007」
聽講有好多明星(唔紅果隻)黎唱歌，
有裕美(好cute呀!果首雪映移城好好聽呀!我支持你~)、
洪卓立(黃國立xDDD)、泳兒(玩壓軸出場，sai氣!)
重有一個3唔識7既同埋好似係劉華個契女--鄧穎芝，
又派左一袋野比我地，有一本yes、一支野飲、
去青春痘既野、一合女仔先有既必理痛。
放學之後又去M記食野，又去行街，
then去妍屋企睇書，5點就返屋企lu~
呢排冇咩心情打blog，
由其係今日呀!!!!!!!!!
比人揶揄，
又比人罵喎。
我講得真係冇錯嫁~
冇野係Forever嫁，
就算係friend都好，
唔好以為小學升到中學都重有聯絡就真係Forever friend，
一件好少既事就可以一清二楚...
尋日去左港島，搭左幾十蚊車錢-.-
去左搭我生平第一次丁丁車(電車)
跟住去老三陽、nokia專門店、M記、時代廣場、池記雲吞麵
搭巴士返黎果陣我大開眼界，
我同時見到人玩NDS同埋PSP，正爆!
