今日正當我執緊文件果陣，阿太入黎同我講，佢叫我執好野去搵佢，話做少少野喎，我以為佢叫我打野，於是拿拿林執完文件之後就雞咁腳咁走去搵去啦，點知佢又攞番果本啡皮file，呢，果本叫我地揀放冬定中秋果本野呀！我心諗，又係果彈野，原來佢想我親手剔喎，因為果個剔係尋日強哥幫我剔既，佢話唔得，佢要我親手剔，仲要用原子筆(本來用鉛筆既)，我差的想問佢︰咁洗唔洗打埋手指毛兼簽埋名呀？我真係頂佢唔順！我諗諗下，都係區Sir最好，每次大時大節一定會放我走，佢又會開口同大寫講放的文員走，大寫都會有好好既安排等，而家？冇呢支歌仔唱囉！LIU SIR都係冇鬼用，都唔幫我地爭取吓，反而話我地冇得唔留低，我而家諗諗下呢，都係要每個月幫佢地每月評一評分，點解淨係佢地可以寫我地年報？我夠可以寫番佢地啊！我要每個月按佢地既表現同印畀個分數佢地，就由今個月開始，標題我仲未諗好，到時再算，我會寫係"我的網誌度，請大家拭目以待！哩！