8月28日 發冷的一天

每一日都唔願意返工，但無奈都要返！唔知點解今日到左11點左右突然間好寒好凍，個頭好'慶'，相信我係發燒，lunch無食野，即刻休息，個腦好清醒，但成個人係冷、寒、凍，已經著左件fleece，但都唔掂，隻手好冰，個頭好熱！到左兩點幾開始發熱要除左件fleece，又冷又熱兩個幾鐘，諗放工前竟然發現報錯價，將原本應該係港幣兩蚊睇為美金兩蚊...唉...心諗，仆街啦！肯定又俾人鬧！好在搵到另一間廠個价錢係接近d！一款報左錯還好，點知係3款都報左呀！唉...聽日唔返工唔得，因為要補鑊！放工前係公司拎左幾粒藥同食左兩粒藥，因為真係頂唔順！放工之后買左支探熱針返屋企，睇下自己燒到幾多度！一試之下剛剛好100度！我係度諗，我后面個同事病左兩個幾月，中間又發燒又咳又傷風，都無請過假，都只係用兩個鐘去左睇醫生，因為佢實在太多野做，唉...我呢d濕濕碎，所以都唔敢請假！我又唔想睇醫生，因為d西藥會眼訓同好累！會做唔到野。唯有頂硬上飲多d水，同食d有維他命c既野！

8月29日

燒已退了點99度，頂硬上起身返工。預備補鑊之時，我竟然忘記左今朝9點開始要訂何韻詩演唱會，哈哈，已經病矇左。遲左15分鐘先記得，跟住不停不停打電話，點打都打唔通，到左下午3點左右毛毛俾左另一個電話no.我，我打左第二次就通左，但我已係第442位登記既人，相信我訂既位應該唔多靚，不過算啦，總好過要日晒雨林咁排隊！總算搞掂左！

今晚應承左拎d野上舊公司俾rain，點知佢地又黎，放底左d錢俾三少再俾我！原本諗住6點走，但最后7點先走到，上到去得番三少同qc！我都唔好意思要佢等到我咁夜！哈哈！