今日一大朝早就同婆婆,表姐一齊搭車番鄉下lu~~我地臨落車果陣,見到有對年齡好細既姐弟上車,

見到個家姐好照顧個細佬,有位又讓俾細佬坐,寧願自己企...唔知點解果陣好感觸...覺得佢好似自己細個果陣咁

(當然我到而家都係乜都讓細佬,照顧好晒佢地先.....所以我突然間好希望將來自己會生個女先...呵呵)

我地一落車就見到人人佳購物廣場@@

去左群母母度@@...見到部超大的電視

之後就見到婆婆個侄,佢用摩托車車我同表姐番左去''馬沥''...(果陣好鍾意坐摩托車,個feel好正..)

我地番左公公同婆婆好耐之前買既果間屋度....23號...lucky呢!!

果度既樓梯...

我地以前係呢度燒爆竹.....

見到呢間屋....諗起好耐之前...有次有條蛇入左黎...公公一手捉住左佢,扔走左佢....

突然間好掛住公公.....公公,我希望你係天國會過得好...我會幫你照顧婆婆架!!放心!!

之後去左君表哥度,佢地係度打緊麻雀,我見咁悶,所以就叫君表哥讓我打左幾鋪,同佢d fd吹水...勁搞笑...

話咁快就識多幾個fd...哈哈...不過表姐淨係自己一個係度玩電腦=.=!!!

仲有....今日我做左人地姑姐....又見到一個好可愛既bb...不過佢個樣似女仔,所以我一估就估佢係女仔,點知係男仔>.<

不過佢一知道人地幫佢影相,佢就好識擺pose@@....食手指look...

有口難言look....(鬼叫你未識講野咩,唔似我可以講咁多野架喇)

仲有就係岩岩放完爆竹,仲有好大霧時候影既相@@

夜晚就由君表哥同佢細佬鋒表哥用摩托車搭我同表姐,婆婆......

佢送我地去車站,仲有煙花俾我地玩....yeah...好興奮...呵呵