今日..我諗我用口語打會好d!

今日係有史以黎我地班搞到miss最唔開心既一次....今日chem堂..做實驗..可能真係好混亂...搞到miss發好大脾氣!

佢第一次鬧我地鬧到喊...miss話我地應該認清自己既目標...唔應該渾渾噩噩咁過日子...為左將來著想..

應該係要好俾心機讀書...目標...我都諗緊..自己既目標到底係點呢?!或者我只可以話我最想搵多d錢,可以俾d

好既生活俾我屋企人過!!呢個都算係我目標既!但其實miss話我地班呢排好似愈黎愈心散咁,佢對我地心淡~~

但其實我真係唔覺得我地班d人心散...好似尋日maths堂咁...我見我地班d男仔好多都有聽書...而且佢地仲會自己做數..

佢地根本就無放鬆過自己...我見佢地咁勤力,我自己懶極都會睇下書~我知咁樣唔足夠,所以打算10號就要努力架喇!

希望miss唔好真係覺得我地心散而放棄我地啦...(我知miss係唔會既!!)佢為我地喊就知佢幾緊張我地!!!!

我相信我地班都會爭氣架!!加油呀!!4B!!

2堂pe堂...今日做體操...bonbon同chicken佢地好鍾意打人pat pat...咁我咪話pat pat其實係我第二個『胸部』...

佢地係咁笑,連黃素文都話驚非禮我個胸部...真係笑死....(我諗...佢地以後都會用呢個黎笑我架喇=3=)

放學果陣...mermaid同我地傾番佢而家d感情事...不過其實佢叫chicken行左一邊果陣...我真係覺得有d過分!

因為我覺得chicken一定唔好受架...所以後尾我去大家樂果陣都有同chicken傾番!!!其實...我真係好想有咩就大家

一齊傾啦!我有咩事都會同你地3個講架!因為你地3個都係我fd,我都好信得過你地架!!

mermaid話唔知咩叫鍾意...鍾意一個人會唔知架咩?!你鍾意果個人,你見唔到佢會掛住佢...

會擔心佢,會想佢主動同你講野,會想聽到佢把聲,你會好想見佢,你見到佢鍾意食既野會諗起佢...

總之每一件關於佢既事你都想知道..你會好留意佢..你見到佢唔開心..你都唔會開心得去邊...

就算佢點煩你,你都只不過會覺得佢係關心你...你會遷就佢...最重要係...當你真係鍾意果個人又同佢拍緊拖既話...

有第2個人追你,你會同佢講你有男/女朋友!呢d先算得上係鍾意!!!

如果硬要留住一個人,只不過係因為想要一個對你好,錫你既人....

唔鍾意佢既話應該一早講清楚...驚佢hurt?!你呢d都唔算係鍾意佢,只不過係同情佢!!

而且長痛不如短痛...一早講清楚對大家都好囉!!

mermaid番左home之後,我同bonbon,chicken坐低傾計...

仲見到媚媚同明珠...

最重要係......見到好多bb呀>v<"...

我曾經講過...我會為左bb而放棄一切...!!

我一見到佢地就會發晒顛...哈哈