外出笠日，多數都是進入生病狀態，
下雨傘更令我倍感不適，失敗．．．
(點解我右手邊空一些？)
第二堂就係音樂堂，話咁快就落堂？
想得美！考完音樂獨唱後，
發覺自己一病，把聲就唔似家駒，
頓時失去了家駒影子的我，
考得．．．大家心知啦．．．
下晝的馮姑婆堂，好似吃左炸彈，
炮轟我？！唉．．．凸然間好無奈，
又聽唔到我講咩，佢好似俾雷震聾左。
畢竟相見差，同住更難，面對馮姑婆．．．
唉．．．其哥，沒有甚麼好作為了。
下雨本是好，但在本人上學時下雨，
有點點無天理的感覺，正當心灰意冷的時刻，
有幾條葉紀南靚女在面前走過，凸然春風滿面啊。
早會後英文堂，都唔知邊條粉腸整唔見我本聆聽，
搞到我俾肥婆罵，仲要無心聽我解釋．．．
創藝實用科堂，成班友掛住做功課、聊天，
得我一個成碌木咁坐係到畫畫，
畫完了，忽然好頹，於是走去食雨同埋洗番個面。
點知有條友，彈水落我塊左面，都唔知有冇菌。
食晏前落大雨，點知係紅雨停課，都好，
因為實在好頹，繼續沒意思。
不過有條kai子走上台唔知講乜，
我相信所有人都慶祝停課，都冇理佢。
但係．．．我發覺自己第一眼望的只係．．．
繁忙地做了週未的功課，笠日居然遲到，
仲要遲到十秒...失敗，仲要係徹底的。
第二堂，獨唱試唱，帶著結他試唱，
本以為會有平日練習的水準，
但可能是未開聲的關係，
沒有家駒的風範...失敗！
下午吃過飯，自然沒有甚麼心情上課，還要是馮姑婆的課•••
本打算無奈地打發了就算，誰料到•••
先一課固然做例牌東西，本也不敢妄想後一堂會什樣，
但玩那種特別的遊戲，人的動作及言語之間使我們捧腹大笑，
至於是甚麼遊戲，就不遑多讓了。
放學後跑到老高的五樓做完餘下的科學工作紙，
結果只得四人：我、林sir、A科長和鄰班的某某，
在同一個實驗室，不一樣的工作，
別具風味，突然間心中湧上幸福的感覺，
好像知道了有更多人會關心別人(我)了。
n年冇打過日誌了，
在朋友的渲染下，
又想死灰覆燃了！
(哈哈哈！kai左...=.=")
人生的意義我終於在馮姑婆的口中得知，
(乜佢都有人生意義給你找得到？)
不外乎四樣東西，
財富、健康、人際及見識，
財富：錢財身外物，不要亦可，不須介懷。
健康：死不去就可。
見識：學得太多，只會令到自己煩躁，只學會生活事即可。
(還有呢？)
當中最看重的是友情了，
人一失去知己，
即失去一面鏡子，
朋友，萬萬不可失去......
馮姑婆，我開始欣賞你...
上到唔知第幾堂，無無聊聊同kelvin傾巨商o野，
講o下巨商邊隻將好用同近況，
最搞笑o既係計由一等傭兵升到二轉將149lv所有o既紅利是多少，
要1e2o既經咁多，計下計下計到有千一多紅利，
以孫維昌o黎計，1000(底血)+紅利-力敏=四千多血！
咁即係話飛虎(陸上最強的怪)要打五下自打得死(超~勁)
之後又計打怨靈(1234經驗一隻)幾耐先吸經到149lv二轉，
要吸一百萬隻/打十萬隻o既時間(一場五分鐘)係......
三個月唔睏狂打！
即係話連食野同睏覺要半年升成隊人149lv！
體育堂上水庫踢波，除最尾的一場，都係得個跑字...
個體能測試簡直是直取德德性命，
我地都一直陪德德跑，好一個義字。
講返最尾一場，最尾我係好彩之下扭過陳豪，
余蛇突然大叫"好機會！"，搞到我有點神經錯亂，
雙腳唔聽話跑唔郁，波皮都掂唔到，
但係個波自己入左籠，原來係擺烏龍，呃哂~
之後我先發覺我自己腳短......
練波果陣個波踢左落去個籠入便，
好彩斬死得返出o黎
從琴日入左足球隊起，
今日就同F.1踢波打籠，
好渴望去年可以替學校守住龍門啊~
但去年已經係乙組啦...
食晏果陣仲練近距離反應，
中場無端端飛幾個波過o黎，
原來都係自己友做的好事...
好感激小強捨身幫我執波呀~!
中文書法堂話要整個印，
功課都唔收...
用筆型彫刻刀彫舊擦紙膠，
好彩冇整到隻手....指
上猩猩王堂兩堂，
要唔知做乜兩堂，
又話做咩做咩，
不過最搞笑的還是找Kelvin本free& crective wiriting，
原本本簿係佢自己度...
放學知道足球上水庫練波，
於是拎起心肝同自己友一齊練習，
雀西褲踢喎...第一次
食完晏踢完波，
無端端俾志偉同奶文拉住上返課室，
一路話足球校隊個龍門未有人選，
又話重有一個月就打學界，
好擔心謝志豪有籠等如冇籠...
於是叫我入，
我話自己都係未夠班，
要再證明一下自己！
(我有點心動了... )
放學同鼓佬玩結他，
大家玩得好high呀！
又係逢禮拜五冇猩猩王堂...
班主任課講咩咩校園欺凌，
呃哂~
講o黎都o徒氣，
妨礙我時間。
下晏去左長發做咩咩實地考察，
作狀望兩眼就徹退，
返學校玩ECA就從退路歸家...
o徒氣...
)
