入學校門口前見唔到霍生同我揮手．．．

好似日日都期待著見到佢．．．

綜合科學見到係余sir去都知道唔係好o野，

果然，當真！

「問題本不難，問法才不易」←o岩哂！

題題都問點解點解，

你唔煩我都厭啦大佬，

得一粒鐘答你果d複雜問題，

玩死好多人吓...

中文聆聽呃哂...

放學諗住去踢波，

但係呀媽詰唔得喎~

有d失望...

返學前又見到霍生係一樓喎？！

上去問佢之後先知佢大部分考試時間都係禮堂入便，

唔怪得返親學都有成班中一係禮堂門口啦∼

考之前，

聽到d人係度拋書包，

有d冇癮添...

中史卷冇乜o野好講，

都係噤樣考．．．

中文作文思維爆棚呀！！！

之前d人話考試壓力好大，

搞到我都有d驚添，

結果...

未入到門口就見到霍生企係一樓露台向我揮手，

入到去同佢講o左兩句就上課室，

八點二十分左右，

朱生就走入o黎話派卷，

佢個身型嚇o左一跳，

等我仲以為係邊個．．．

英文作文作到龍飛鳳舞，

又講個賊走o黎走去．．．

(作文呀嘛．．．)

數學科都係最後五分鐘先做好咋．．．

入o左梅窩度o左成個禮拜假，

冇乜o野做，

咪去球場踢波囉，

冇故故有個教練有埋o黎話射波，

我當然要試試自己係七人場o既身手啦~

過了十多廿球，

入o左三四球，

佢話我打籠幾好，

想踢我入足球班，

不過可惜，

我係青衣人！

其中有幾日同人o地鬥波(比賽)，

我就好似發狂般係個場度跑o黎跑去，

向個波直衝！！！

未上堂就已經笑住先，

猩猩王果兩堂連堂都刪了~

第一個小息姓陳的又話還番四塊給我，

結果人多到不得了，

唯有死死氣入去踢波，

得個企字....

小小息冇端端比猩猩王踢爆有野未做好，

又話叫我即日交喎~

我睬佢都傻啦....

食晏時間我真係諗住做好份野俾猩猩王，

但係電腦預約滿唒.....

我疊埋心水唔做。

下晝同朋友玩「反日」！

朝頭早佈多得不得了，

不過講到籃球場使用事宜，

我都心知不妙.....

第一小息照舊打籠，

睇到人哋等得唔耐煩，

用打籃球o黎要脅我哋，

我知剩番一分鐘多，

就求其是但俾人入o左就算。

週會堂講咩不雅物品，

我果行一於少理，

交流打機心得。

食完晏諗住踢波，

入到場見到得兩個人就霸住半個籃球場o黎玩，

我哋十幾個又唔可以叫佢哋走，

唯有問學生會借副康樂棋玩，

點知打到超時，

俾人罰o左兩塊半.....

中文堂囉番份作文，

六十六點五分喎？！

仲俾老師提名話好，

入到中學未試過噤光榮！

臨放學仲有一個浪費食物投票，

十九比十八喎，

(我當然係反對啦~)

一票之差又要用多d錢，

更會浪費多d食物，

都預o左有人會唔投票，

不過估唔到有臭gar份？！

放學送別霍生，

不過就估唔到佢唔記得o左 女班長 、 院長 同 大少 添~

係食晏時間班會話練歌遲到，

不過都冇罰到.....

零五猩猩王臨走都冇好提攜，

作文四十九分喎，

真係唔知好嬲定好笑....

嘩~踢波都係打籠，

仲同form one爭做籠...

體育堂玩踢波喎，

我打籠就叻姐，

仲話假身過人喎，

行個屁！

練完o既比賽，

兩場都係打和收場，

都好~

落場o既時間多了~

整潛水艇果陣，

個洗水盆竟然漏水？！

整濕曬成個櫃筒，

好彩冇貴嘢....

今日的重點是食晏在操場做公籠，

十幾個人爭一個波同爭入一個籠，

一面要守住龍門，

一面要盯着個波，

睇住有冇人起腳。

結果俾人入左八球，

有一球死球(我強項！)，

其他都係近距離單對單球員.....

事後我發覺自己唔識出o黎收波，

不過冇辦法啦~

情況實在太混亂了....

第一同第二個小息，

連續被人攻入兩球，

未試過咁失敗，

又有班人打籃球o既係度阻住曬，

兩球都輸遠柱呀~！

食晏果陣個投票都預o左衰，

果然不出所料，

失完又失，

仲要係衰到貼地！

第三個小息又俾埋猩猩王，

唉......

冇得去踢波，無奈~