第一個小息同kai華落去踢波，

我照舊打籠，

兩方各入一球，

十五分鐘又係話咁快就過o左。

新人文老師陳終於走o左了，

送o左三份曲譜當道別禮，

分別係《喜歡你》、《不再猶豫》同《真的愛你》，

對o左成個月都係有d唔捨得添.....

第二個小息準備上MMLC，

都冇落去踢波，

上到去何ben同cch話咁快作好個答案，

之後佢o地上網搵色色相，

後來又無聊到搜尋自己個名，

所得結果如下：

張浚軒：兩個"分身"都係打羽毛球打得好叻←張浚軒找

羅美玲：擁有兩首主打歌曲中國歌手←←←←張浚軒找

符民其：學校人名單←←←←←←←←←←←我找

高樂名：別學校人名單←←←←←←←←←←我找

何俊賢：陳式武術校際冠軍與股市評述員←←我找

李   明：前中國超級聯賽球星←←←←←←←我找

何卓衡：外國華人企業家←←←←←←←←←何ben找

食晏時間竟然可以踢番兩場波添，

高手雲集，

我竟可以佔一席位？！

中文堂玩調位，

又幾佳偶天成o下.....

但係我都係避唔過林志源......

第一個小息豪哥突然心血來潮拉我落去同班中一踢波，

我依舊打籠，

玩o左成個十五分鐘小息都冇進帳，

之後大家都番課室繼續上堂。

第二個十分鐘小息睇人o地玩，

豪哥同志偉都有落場打，

即使唔係我落場踢都感覺到該氣氛。

食晏照舊入操場睇波，

冇得落場踢，

等到打鐘就同kai華番課室。

第三個小息準備上猩猩王堂，

都係冇落操場玩，

不過我相信我會更加落力去踢~波~！

體育堂考乒乓波，

同狗人輝拍擋，

話咁快就考過，

唔鐘意玩乒乓波o既我咪落去有蓋操場踢波，

點知我o地組打得好好，

總共五場有四場係場上，

中間果場輸o左之後唔夠一分鐘就落番場踢，

第二場開始就打籠，

好享受緊張的感覺呀！

之後豪哥同小強讚我做籠做得好好喎~

又話推薦我入校隊，

我當然唔想入啦，

入o左足球隊仲有渣剩？！

中文堂呂生又走o左，

成堂都係做功課，

又悶又無奈....=.=0

上英文書法堂奇蹟地到美術室上，

鄭生淨係講解同示範去o左半堂，

後來派o野同準備又得番四份一堂，

之後作狀寫了一張滿的，

完o左後鄭生叫我o地搵一詩篇，

好o野呀！

可以o羅我偶像篇o野寫~

猩猩王連堂，

要quiz tense喎，

對住份o野咩tense同咩tense都分不清了......

十時鐘番到學校準備匯報，

評審老師竟然係miss朱同我o地個中史老師miss姜喎~

不過我o地組表現穩定，

佢o地話資料充實，

不過話同"青衣島"(←我o地個題目)無關，

我心諗無關又點會做呢個題目呢？

下晝本來要守板板，

不過守o左半個鐘蒼蠅都冇隻，

不如落去操場玩好過，

有時上禮堂"八"下咁啦~

最尾個咩咩時間襄根本就係表面秀，

冇實際行動而已.....

八點九番到學校諗住準備中史模型啦~

點知無故唔駛守住，

搞到冇野做，

唯有落去操場玩攤位同去我學會個攤位幫手啦•••

之後我小學個老友失驚無神走過來同我打招呼，

又嚇又驚訝喎~

後來佢又陪我食晏，

又陪我到三點當值完畢，

佢仲叫我帶佢遊學校添~

朝頭早倒水咁早就起身，

就係0745開始番學，

手腳比之前遲滯好多，

番到學校何BEN竟然冇返，

搞到冇得唱歌添....

散早會到一零三室排練專題匯報，

搞到十點幾先走得，

諗住係操場幫手搭攤位，

結果等個老師等到十一點都未o黎，

之後見到霍生同數學姓羅的老師，

一面同霍生談天之餘，

又怕俾miss羅叫去幫手裝飾數學課室，

見到佢(miss羅)都要拎轉背面走過，

幾驚冇故故被人叫左去做o野....

我始終都係避不過俾老師叫去做o野的命運，

霍生俾個老師(好似係校務處果個)叫左上去幫忙，

我呢d捱義氣的，

當然要陪埋佢上去啦，

結果都係俾老師拉埋落去做o野•••

小記：十二點半就走得啦喎~

下晝都係係一部電腦，

同一兩張光碟的陪伴下度過。

諗住夜晚有人陪會好過d，

但係因掛衫面同呀媽"哎大交"，

真係唔知聽日點過好。

校服檢查竟然沒有帶校褸？！

心諗一定扣硬分，

好彩只係下禮拜二覆檢，

唔駛扣分分，

驚左我一餐....

不過上上猩猩王堂上得十多分鐘，

(但係都好似過左成個鐘噤...)

俾人扣分都抵到爛呀！

體育堂本來考乒乓，

但係無故變左測體能，

舊年仲可以跑千九米，

今年只得千五米咋~

老了~老了~

最後一堂去左106上，

噢？！

我的頸巾去了哪？

留係櫃筒度添！

放學後去美術室整番好果三塊珍珠板，

噢！

聽日仲要返學喎~

上數學堂都係係度做數，

不過做曬四丙三十題，

但係二十八同埋三十題都唔識做喎...

第一同第二個小息都係搵姓羅的老師，

都失手而回，

之後姓黎的告訴我佢常駐物理室...

不過食晏果陣終於搵到佢啦~

放學後先找姓曾的老師，

任務失敗！失敗時間：1545

之後到美術室工作，

任務完成！完成時間：1435

俾左姓羅的老師之後，

佢叫我去幫手做板板，

都做得好令嫁~

達成率八十五個百分率，

任務中止時間...

下午六時正？！

走果陣撞到排完戲果班....

數學堂終於肯派考試紙，

補測咁都有八十六分喎~

統測仲有四十四分-三分=四十一分，

都係八字頭呀~

數學真係令人又驚又喜！

創藝玩書法，

老師讚我唔錯，

我覺得只是好彩而已。

(好似有功課未俾....)

英文堂仲以為又要測tense，

仲有unseen Dict添，

原來一切都係幻覺，

不過禮拜三始終都避不過.....

個壁報板我有出一分力嫁，

起碼剪剪貼貼，

個中文聯，

俾下意見咁啦~

都好，

塊板只差一點埋尾功夫，

行了！

姓林的壁板被我完成底紙了~