仲有几個星期就到聖誕節,我已經想好返節日,記得上一年的聖誕係西環過的,而且我們每去一個地方玩都會一起回家,但係今個月頭我己搬離西環了,而且大家都要返回自己屋企住,仲有兩個月我們就可以住返一起,到時又可以過著同居生活,等我講下聖誕節的節目先,係25號會同他去吃自助餐,他一直都話想同我去吃自助餐,拍拖甘耐都無去吃過,一吃就吃豪它..哈哈,27號會返大陸做伴娘,我的好姐妹要出嫁,恭喜她找到個好老公,數數手指,身邊識得的女性朋友都差不多結晒婚,28號她要擺酒,我仲要做多一日伴娘,小女子第一次做伴娘,心情都緊張,為左果日可以做一個靚伴娘,我最近都不停甘做面膜,希望果日塊面D豆豆會少左了.我要KEEP住開心的心情,過几日要買禮物給黃生,平時他買甘多野給我,係時候到我送一份大禮物給他,提早係度祝大家聖誕節快樂!

今日上網睇新聞,見到一篇新聞,個題目是

善 行 獲 響 應 　 小 老 闆 矢 言 細 水 長 流
「 就 算 用 晒 金 條 仍 派 粥 敬 老 」

不知有几多人睇過這篇新聞,我睇完之後,對香港政府失望,每一年都收納稅人的錢,拿D錢做咪D無謂野,之前特首話生果金唔加到一千,前几日係電視度見到特首出來講野,他依家又話會加,咩都係他講晒,他有無想過,係几十年前香港係靠邊個,如果無左這班老人家,你估香港這個地址會存在嗎,公公婆婆在他們年青的時候,為了香港做了很多事,現在他們都老了,不能再為香港做事,甘係咪就唔理他們呢?請你看一看這個小老闆,他唔係有錢人,他只係一間大排檔的老闆,但他識得點去減輕公公婆婆的負擔,我看完他的報導,都很感動,起碼香港仲有愛心的人,他的愛心,你們D有錢人可以做到嗎?除左香港政府,另外我就睇唔起這班富豪,這班富豪每年就識得賺錢,又唔見話會免費派D日用品,物資給有需要的人,成日就識得賺錢,我每天返工都會見到D公公婆婆企係地鐵到等人給報紙給他們,他們D骨頭都已經老化,仲要企甘耐,為的是什麼,你們到底知不知道,有些老人家由早到晚都不停甘拾垃圾,D富豪就由早到晚係度想點賺錢,買名貴野,希望你們企係公公婆婆的角度想一想.

這就是免費派粥給老人家的大排檔老闆,我很喜歡他這個笑容.

今日你要去荷蘭,突然間好不捨得你,平時日日見的日子,已成一種習慣,今次你要去足一個星期,這一個星期我打算返去住,因為我好怕自己一個人係屋企,九點左右,你拿住行李,我陪你落去等的士,仲發生一件小事,我去接的士,個司机就指住後面,剛好後面有另一部的士,我們都以為他要我們坐後面果部,點知他大聲講,話係我們接他先,接左又唔坐,大老....你自己指住後面,鬼知你想點呀,最後都係坐返他果部,費事出門同人吵....祝你一路順風,十月二十日見啦...88

今日返工都覺得眼訓,好想快D到六點,就可以返屋企休息, 10月8日係我同他一起的日子,不知不覺得已經兩年啦,兩年來他都會一直陪住我,仲同他去左好多地方,最近我們報左團去北京玩,好期待這天的來臨,今日我們都無咩點慶祝,好似平時甘留係屋企吃飯,看電視,希望第三年會有一間屬於我們的家,到時我要請好多朋友上來,做我的白老鼠...哈哈!

PS：肉麻野我講不出口,只會用行動去做.

     五個月無上來寫野,今日我又將它換左個背景,甘耐無寫野,都係因為自己懶,由今日開始我會寫,最近五個月發生左好多事, 屋企的事令到我不開始,上星期我仲係車度喊,真係丟家啦,其實每次我都想大喊一場,令到自己舒服點,前日我又返左屋企,仲住左兩晚,這兩晚都係陪家人吃飯,傾下計,果陣感覺好開心,我好希望以後都係甘,之前有個朋友生左個啊B,話甘快又做人媽媽啦,唔知大個仲記不記得我呢??哈哈......今日簡單甘寫住先.

..