今日係新年之後第一個工作天，不過我仲使工作住
因為學校同補習社都係放一個星期假
所以我今日就好悶啦
其實已經係悶咗幾日啦，因為我屋企係冇年拜的
之前果幾日仲有我阿哥係屋企陪我，今日就得番我一個啦
係屋企等咗佢成日，結果都係等唔到
個心唔係嬲，只不過係擔心，都唔知佢搞乜鬼
搞到我成晚都訓得唔好，我都有為佢祈禱呀，希望佢冇事啦

今日打咗去教院到問轉制d野，結果打咗幾個電話都係得個吉
唯有我下星期一番去再問過啦

今日拆咗利士啦，今年得5封咋
爹d、媽咪、婆婆、表姐同表姐夫咋
結果都有800蚊，唔錯呀，新年都係攞個意頭姐

本來聽日約咗出去溜冰架，結果因為唔夠人所以取消咗
不過唔緊要啦，總有機會既，之後仲有假期的

今日真係好忙呀
朝早6:30就要起身啦，要番學
11點就放咗啦，早放咗小小，咁就又去搵習實個阿頭講數
講埋我d原因都係冇用，佢都係話唔會俾我轉到
不過都算好啦，佢俾咗個其他方法我，就係由full time轉part time
佢話part time就可以俾d同學自己搵學校喎
我都唔知個可行性有幾大，不過我都想試下
本來想去入學果到問個情況，但係因為趕時間番工就冇問到啦
我聽日會去再問，唔知問唔問到呢，如果聽日問唔到就要等過完年先囉
其實個機會都唔大，因為轉part time要遲d先畢到業

之後就番工啦，今日終於回復星期五多人既特色啦，半日就有$440
因為約咗班學生6:30，所以我早咗搞掂d學生就走人囉
真係好想同佢地一齊行年宵呀，仲要係維園，而我番工係銅鑼灣，只係一條馬路相隔，真係方便，好彩佢地肯就我咋
打咗俾佢地之後就去搵佢地啦，一搵就搵到囉
食咗小小野就開始行啦，因為多人得濟，有成11個，所以好快就行散咗囉
佢地買咗幾個吹氣野，又買咗蕉，仲有屎添呀，仲一齊影相，不過俾好多人望住曬囉
之後就去食野，味千拉麯，8個人同一張枱，食完之後就撘車走囉
不過果2個女仔都有俾屋企人罵呀，因為話10點要番到屋企
但係佢地10點先係銅鑼灣撘車走
佢地好似好唔開心咁，可能之後屋企唔俾佢地出街囉
雖然係咁，不過我同佢地今日都玩得好開心呀