今朝一早9點多d起咗身啦，因為10點鐘就要照顧果3個F.4既女仔
琴晚唔係訓得好好呀，訓吓又醒吓，都係諗住今朝個情況
佢地上到黎就立即開始啦，首先係math既trigo果d
佢地好似真係唔識咁囉，講完之後就到a.math既trigo啦
差唔多兩個鐘之後就開始做數啦，佢地係到做，有唔識就問我
佢地做到唔肯走囉，不過時間都差唔多啦，我又走趕住番工，咁就去食lunch啦
不過有一個就話要趕住番上大陸喎，一齊食唔到lunch啦，咁就請唔到佢啦，淨係請其餘兩個
送咗佢撘車之後就去食拉麵啦，$70三個人
食完之就一齊撘輕鐵啦，結果一出到輕鐵站就走車啦，有兩程車都岩，不過一齊都要等8分鐘囉
對於趕時間既我黎講，8分鐘就則係要遲到兩個字囉
不過我冇敏到呀，主因唔係因為對住d學生，係因為我知道如果之後d車順的話，都可以唔使遲到
之後去到西鐵站，結果又走車，今次要等6分鐘
d學生同我講話你真係唔好彩，我笑住咁樣回應佢地「ok啦」
今次冇敏都唔係因為係學生面前，係因為我記得高比仔輸波都可以笑笑口，所以我都要學識笑住黎面對逆竟呀
之後d學生上咗車番屯門囉，我就同自己講，都冇辦法啦，我都控制唔到，我都唔想
所以我要令自己唔睇錶，唔理個時間，就有得佢，幾點到就幾點到啦
| 
