今日去咗做義工呀
朝早起身出門口，又走車囉，又要等6分鐘啦
不過我都慣咗囉，反正我遲到佢地都要等埋我架啦
都有成三十幾個學生去探訪獨居老人喎
佢地本身自己分咗組架，我所琴日傾好咗入邊組先有得去咋
唔知點解自己係阿sir個身份就想去做義工
自己係學生果陣淨係賣過一次旗咋，果次仲係因為有著數先賣呀
不過派咗去個要講普通話既，個叔叔以前係吉林大學個教授黎架
不過唔係聽得明佢講咩囉，仲要傾計多個做野囉，仲要好似越做越dirty囉
之後集合影大合照

食完飯去咗一個學生屋企，再玩過大富翁
3點玩到6點，最後玩淨得$180
之後又連線NDS玩孖寶賽車啦，再番屋企
聽日又要6點半起身番學囉，之後番工，之後又約咗佢地行維園個年宵
本來d女仔話唔可以夜晚行架，不過佢地問咗屋企可以啦，不過要10點番到屋企
好彩佢地就到我d時間咋，如果唔係我就冇得同佢地一齊行啦

今日佢地最後一日考試囉
考完試就過黎我到玩啦
本來約咗11點，結果上到黎屋企都12點囉
有9個人，全部都係男仔，不過仲有人未黎
d女仔會遲d先到喎，好彩佢地都黎姐
佢地唔止帶咗NDS黎囉，仲帶埋PS2同埋手提電腦囉
不過一陣就俾我叫咗去玩大富翁啦
玩咗個幾鐘，我玩到破產，要拍賣d野囉
之後我就去整野食啦，整到咁上下，佢地聞到都話好香呀
一路整野食一路玩，之後就食野啦
又有忌廉湯粉，又有米線，又有上海麯
佢地話d忌廉湯粉好味囉，佢話下次可以淨係整依隻
食完野一陣之後就落咗去玩啦
初初玩閃避球，之後到馬騮爭球，仲有數字球，排球同籃球
玩到5點，有個女仔要走囉，第二個女仔話陪佢走，不過佢又唔俾又2個女仔陪佢喎，要佢留低再玩
番黎再玩過大富翁，玩到6點半就一齊走啦
佢地聽朝話去做義工探訪d獨居老人喎，我都想去添
佢地又話星期五去行年宵呀，我又想同佢地一齊去囉，不過要番工，唔知就唔就到時間呢