早上返學嘅時候,寒風刺骨,凍到呀媽都唔認得。
我同呀c嘅恩怨仲未搞得清,每次轉堂時,我都會狠狠地踢佢張椅一下(或以上),但是,這仲唔算咩,我隔離個同學,仲用原子筆吉我呀,好痛呀,今日好似個個人都針對我咁,每次轉堂,佢地都會用原子筆恐嚇我,搞到我無法專心做功課。
當中文老師話c要出去比賽朗誦時,我不禁yes咗出嚟,在轉去英文堂的時候,因為我的英文成績是全級最好的十二位,所以我有一堂係唔駛在課室裏上英文堂,就在這時,c要去洗手間,我尊登扮拾野拾耐d,順道臨走前踢c張椅,但c好似識破咗我嘅動機,佢係課室門外望住我,睇我有冇在佢張椅動手腳,當我以為c以經走咗,我就踢咗佢張椅一下,但原來c仲未走,佢尊登扮走咗,然後向後望課室。
我行動失敗後,即刻攞咗英文書和筆袋後,就衝出課室,c當然追隨在後,當我越過女廁門口時,我以為佢唔再追我,但我望一望後面時,佢仲死追難追,我馬上跑落五樓樓梯,佢仲追隨在後,我使出我敏捷嘅身手,避開佢,再跑上樓梯,當我上到六樓時,我見到那個成績最好個十二個的英文班的負責老師時,我馬上跑到她的身旁,像是狐假虎威,c當然唔敢在老師面前挑釁,所以佢轉身走入女廁。
但一分鐘後,老師仲未肯走,仍然站在女廁門前等候,當c出咗嚟之後,佢用耳語同我講:「小心d你個書包呀!」
一個小時候,我回到課室,發現我個書包有一兩個鞋印,我就知發生咩事了,我狠狠踢咗佢張椅一下,然後猛地坐下,我馬上大喊咗一聲,原來我張椅有一枝牙籤攞咗係到,搞到我個屁股痛到~~講唔出呀!
食完飯後,c就去咗朗讀比賽,小完息後個堂,老師去對考試卷嘅分數啱唔啱,我負責企係對卷老師嘅隔離,負責睇秩序,我企係個到,可以睇到全部人考第幾,我一睇我個全班名次,考第三呀!!我咁大個仔,最勁都係考第四,今次又進步啦!我仲睇到c和其他人的名次呢!
