今日一大早,我就被啊媽吵醒,因為我要返教會。

 到了教會,我上完主日學後,我同兩個男仔同一個女仔去咗打羽毛球,我和那個女仔一對,嗰個女仔羽毛球廢到嘔,要我同佢擋咗幾個波,結果,我地輸咗!

 打完羽毛球之後,我同埋媽咪同埋一大班教會嘅人去咗燒野食,燒野食好無聊呀,你食嘅時間仲少過燒嘅時間,所以我剩係主要燒腸仔(因為腸仔好快熟)

 我地燒個陣時,我同一個bb女玩,佢好可愛呀,我用手提電話同佢影咗一張相,仲做埋我張桌布添!

 燒完野食後,媽咪要開會,我自己一個返屋企,燒野食嗰個俱樂部離屋企好遠呀,行到我死死吓,去到商場,我醒起我有份功課係要廣告彩的,我馬上到文具店買咗一盒廣告彩。

 回到家,我一睇手冊,仲有好多功課呀,因為我星期五、六都冇做,所以拖延到今日先做,我真係有d後悔啦!

 我花咗兩個鐘頭先做晒,但係原來仲有份功課,就係視藝科嘅畫作,我仲未畫晒,我馬上準備好要用嘅用品,開始畫畫,儘管我油到出晒界,我都唔在意,橫點我都唔鐘意畫畫。

 不知怎麼的,我而家打blog時,好像不是太開心,算了,我要食飯,88