今天一起身,覺得個頭有d痛,但我仲係硬住頭皮換好校服,背着沉重嘅書包行到學校。今天是星期一,所以我要比平時早半小時起身,到羽毛球隊嘅校隊訓練,經過半小時艱辛又無聊嘅一連串訓練後,我終於可以回到班格休息了。

 一上到課室,我覺得課室比平時還熱,小息時,英文老師叫我同另一位英文科長去數書,真係無聊呀,平時小息己經夠無聊啦,仲要浪費我成個小息,替英文老師做野,咁就浪費咗一個小息啦!!!!!!

 小息後是數學堂,數學的百分數我仲搞得糊里糊塗,幸好老師温習返琴日教過嘅野,我又努力地抄寫了一些重點,令我搞清楚一d數學嘅問題。

  至於c,朝頭早佢都冇咩講過野,我非常感激佢,尾二個堂,係常識堂,這位常識老師常常教導一些不是常識課本上的知識,以至呢一課書好似教咗好耐都未教完。常識堂轉去音樂堂時,我係度寫手冊,我問c幾多號,佢當時話俾我聽今日係20號,我就寫咗係20號個欄到,仲比隔離位用藍筆互核,但我後來先知道,原來今日係19號,不是20號,真係激死我啦!!!!!!!

  最尾個堂係音樂堂,我們全班要落音樂室上課,但音樂老師講嘅C大調、G大調、F大調個d野都沖熏咗頭腦,結果令我有d眼瞓。

  上完音樂堂之後就放學了,但我還要留校進行羽毛球訓練,我我等咗呢d訓練好耐啦,因為我都想鬆一鬆個人,成日係課室好悶的,老師講解咗幾招打羽毛球嘅招式後,就俾我地自由練習,我們朋友們都打得幾好,但當我有一次還未回神時,一球波己經送到我的頭上,「砰」的一聲,我俾個波打中咗,結果換來的,卻是朋友的笑聲。

  不過都幾好呀,自己痛少少,就能令到朋友歡樂,不是很好嗎?!