今日早上嘅堂都冇咩特別野發生,不過順帶一提,在美勞堂時,都發生了一兩件令我捧腹大笑嘅事。

  今次美勞堂嘅主題係紥花燈,老師先每人發給三枝長長嘅類似竹嘅東東。由於我地從來都冇紥個花燈,所以我地攞到條竹,呆住係度,老師好似想透了我地嘅心事,所以就播一套教紥花燈嘅短俾我地睇,跟住先整。

  儘管我睇完條短片之後,好似明白咗一d野,但係到紥嘅時候,好似乜野都唔記得晒,於是,我抱著一副不恥下問嘅精神嚟問其他嘅同學,幸好,多得同學嘅幫手同老師嘅教導,我終於整到一個似模似樣嘅骨格出嚟,我後面嗰個c,自作聰明咁諗著同佢隔離分膠紙用,但一卷膠紙,點可以分成兩半呢?於是c就將卷膠紙剪咗一下,一個圓型就變成一個長方形,你話搞唔搞笑!

  我攞住我嗰個花燈模型(其實老師整多個我整的)擺係洗手盆附近,食完飯後,c要做風紀,於是等佢出咗去之後,準備好好咁「款待」佢張椅同埋枱,但係c好似知道咁,佢吩咐其他女同學幫佢守住張椅,d女同學好似c阿四咁,乖乖咁坐係c張椅到,成個石像咁坐係度,我只好放棄我嘅陰謀。

  食完飯轉去數學堂時,我隔離嗰個同學──羅仔,我通常都係咁叫佢,佢竟然攞d水嚟淋我,唔好講淋邊到啦,總之如果我一講,你一定會作嘔。明知道而家係冬天,總用凍水嚟淋,就算淋,都用暖水嚟淋呀碼!我不斷避開佢個d好似噴水池般嘅功擊,等數學老師一嚟到後,他點敢再淋。呢一堂數學,校長都嚟埋,我點敢唔扮乖,於是我就靜靜地坐係度,扮出一個乖學生嘅模樣。

  返到屋企,羅仔嚟問我數學功課,我只係隨便敷衍佢一句,甚至就講一d唔係答案嘅答案俾佢知。