今天一大早,我要去主日學,因為琴晚同媽咪吵咗一輪交,所以琴晚瞓得唔係咁好。返到主日學,我地全部人繼續討論聖誔劇,有人講咗一d好好笑嘅劇本,搞到我地捧腹大笑,連主日學導師都唔例外。
討論完之後,我地全部人都去崇拜,由於導師叫我地上完一半崇拜,就要落去排劇,所以我地全部人都好期待。上咗半小時之後,我地又落去排劇,但係主日學導師好似唔係好舒服,所以就搵咗一個好乖嘅學生嚟做揸fit人。其實我地全team人都好討厭一個人──就係第一男主角──David,佢成日都好唔正經,扮俾人射中,仲好似扮俾人按摩咁,原全一d風格都冇,令某一d隊員都反映要換佢嘅角色嘅意見。David不單止成日ng,仲搞喊咗其中一位同佢做對手戲嘅女仔,搞到我地成team人休息十五分鐘嚟安慰嗰個女仔,佢先可以平息佢嘅情緒。
排戲排到一半時,David好嬲咁走咗,原因就係俾我地成team人一齊排斥佢,搞到佢走嗰陣時,仲眼紅紅咁走。之後,由於上面未崇拜完,所以我地喺度玩遊戲。
返屋企途中,我一時即興,想叫媽咪一齊去食麥當勞,但係佢死都唔肯,於是我地一邊行,一邊鬧交。返到屋企,我同媽咪都冇講過一句話,我一直躲在房裏面,乜野都冇做,正係呆喺度睇住個鐘。錶針指到三點時,門聆響起嚟,原來之前媽咪有叫個d教導你點樣清新空氣嘅人嚟我地屋企,嗰個人首先sell自己d清新空氣嘅用品,然後再試範俾我地睇點用,就咁樣就過咗兩粒鐘,佢走咗之後,我一直咁求媽咪俾我開電腦,因為啱啱鬧交嗰陣時,媽咪話以後唔俾開電腦,求咗好耐之後,佢終於被打動,開電腦俾啦!
