今天一起身,我就賴床,因為琴晚兩點幾時,我隻腳開始抽筋,搞到好耐先瞓得著,以致到今朝起身時,仲好似瞓得有d意猶未盡。

 我吃咗個早餐就去教會,我一返到去,主日學老師已經諗好邊一個做邊一個的角色,我指嘅係上個星期日嗰個聖誔劇,我被分配到第三男主角,但呢套只有三個男主角,變相嚟講,即係做臨時角色,不過對於我嚟講,都冇咩問題,橫點我有其他幕後嘅工作要做。

 之後,我們就要崇拜,但我地要提早走先,因為有一對遠房親戚嘅夫婦嚟我地呢到飲茶,我地當然唔能夠怠慢,佢地一打電話嚟時,我地即刻趕過去,以免佢地嚟等。唔好以為個對遠房親戚好惡,其實佢地係一對非常和藹嘅夫婦嚟架!

 飲茶時,我地當然唔能夠先點東西吃,於是就將點心紙交給佢地,但係佢地都好客氣,又俾返我地寫,就咁樣你推我讓,我被擠到中間,於是我一手攞咗張點心紙,開始寫。

 飲完茶後,每次我都最討厭呢個時候,因為我媽咪一定會和個對遠房親戚爭住俾錢埋單,就爭咗成一分鐘,最後俾個對遠房親戚搶咗個張俾錢個張野,行去櫃台俾錢。臨離別時,佢地仲送咗一大包羊肉、小食俾我地,我地只好再三多謝。

 返到屋企,我只好被迫做家務,做到而家。