今日我專登遲d先返學,因為原因只有一個,我諗大家都知道,就係為咗避免見到一d唔應該見到嘅人。
我同c成朝都冇講過野,只不過間唔中收功課的時候,同佢講一兩句。上完第一堂之後,係英文堂,但係因為有嘉賓(校監、老師和家長)嚟嘅關係,所以英文老師好似比平時更緊張,當嘉賓嚟到之後,老師好似專登show自己d英文,問我地全班一d問題,主題就係關於國內貧窮的小孩。
老師首先播咗一套關於國內貧窮的小孩嘅短片俾我地睇,呢一套短片加插咗一首令人傷感的英文歌,襯托著悲慘又貧窮嘅小孩嘅照片,格外傷感。睇完之後,全班好似有d吸鼻涕嘅聲音,我唔知道係咪有d同學想喊。之後,老師叫我叫分組作一d句子,咁呢堂就係咁樣度過咗。
小息完之後,係中文堂,中文老師又播咗一首完全改篇嘅一首歌,詞就係中文課本裏面嘅一首詩。
數學堂時,又有嘉賓,但係數學老師卻冇好似英文老師咁虛假,呢一堂教嘅數學好似特別簡單,可能係我之前學過。
之後個堂係中文默書堂,大致上都冇咩問題,但係中文老師卻遲遲唔肯放我地食飯,搞到一點先食飯,令我地要快快咁食完飯先可以小息。
