琴晚都唔知道幾點鐘就瞓著,好似係一點前。我剩係知道今朝俾其中一個組員用鬧鐘噪醒,我半醒咁坐係張床度,心中有一個想法:點解琴晚咁早瞓呀,琴晚已經係教育營嘅最後一晚,真係.......甚至我仲有d憎自己點解琴晚唔同d組員玩耐d呢?
諗諗下,我嘅眼神係房裏面移動,隨著打緊呵欠嘅同學,直到門上的鐘,oh,己經係七點九啦,我地要八點正過去餐廳食早餐呀!我同其他組員急忙跑下床,去到最近嘅一間廁所刷牙洗面,然後又跑返房換好校服(因為下午出營時,要穿運動服)。換換下,已經過咗五分鐘啦,當我著好對襪之後,啊sir無端端入咗嚟房,催促我地要快d。
食完早餐之後,有一個惜別會,老師叫我地圍埋一齊,互相交換營刑,俾佢地係本野到寫留言,一邊寫個陣時,傳來一首哀傷嘅歌,叫人不禁傷心留淚,令人更加唔想走(我當然係度講緊笑,我諗全級嘅同學都想快d離開呢個營)。跟著,每班再影多一封班相就俾我地上房拾埋d個人物品。
上到房,其他同學都唔想拾野,大半人都落去玩,只有幾個人乖乖咁留係房拾野(我當然係其中一位),拾完野後,我地將床單、枕頭單同埋被,我地將呢d野放晒係一個角落,然後就玩槍戰,我地全部人都攞咗一把氣槍,不停咁向其他人亂槍掃射。
玩到十一點幾時,老師走過嚟我地間房巡房,老師睇見角落裏嘅野全部都好亂,我知啦!一定係啱啱玩槍戰嘅時候整亂架!結果我地又要拾多一次,其他係樓下玩嘅組員一個都冇出現,搞到我地拾到死死下。
當我地食埋午飯之後,我地就坐返旅遊車返學校,呢一趟車程冇嚟個陣時咁辛苦,因為每個人d野都少咗好多。
當旅遊車駛入屋邨時,我不禁同我隔離坐嘅同學講:「終於返到嚟呢個熟悉嘅地方啦!」放學之後,我幾乎係用跳返返屋企的。
