今日係一年二度嘅「家長日」,我朝頭早七點正就起身,因為好緊張呀!我望著個鐘,一分一秒咁過去,等咗好耐,甚至好似等咗成個世紀咁,終於到了八點正了,聽到呀媽熟悉嘅叫喚我起床嘅聲音,我就即刻起身刷牙洗臉。
我同我呀媽到咗學校,我懷著緊張嘅心情一步一步咁行上六樓準備攞成績表,但行到三樓時,我又突然唔想拎,可能因為心理嘅推崇,我簡直希望下一層樓唔係六樓,到咗六樓,有一位同學同佢嘅家長喺班房同班主任講緊。大概過咗五分鐘後,佢地行咗出嚟,於是我地就入去課室,老師首先攞咗我之前寫嘅心意卡俾我呀媽,講咗一論我嘅表現(我開始等得唔耐煩)。終於班主任攞出張成績表出嚟啦!佢指住成績表上的班名次嗰個數字──3,我頓時(如果唔係老師係度,同埋唔想失禮嘅話,我早就yeah咗出嚟啦!)係口袋擺出一個勝利的手勢,其實我兩個禮拜前已經知道啦,不過當時唔係太肯定,以家證實咗,真係好開心呀!
本來考第三,係一件好開心嘅事,但係卻被班主任滔滔不絕咁講中學嘅野,講咗成十分鐘,即時掃咗我開心嘅興。我不時聽見門外有一位家長不耐煩咁發出厭惡嘅聲音。班主任講完結束嘅說話後,我地就步出課室,那位家長好次專登厭惡地瞄咗我地一眼,然後就行入課室。
下午,爺爺嫲嫲要嚟我地天水圍,所以當我用白膠漿黏d燈籠紙黏到一半時,佢地就打電話嚟,話已經到咗,我急忙拋下只做到一半嘅燈籠,換好衣服就落去接佢地。一見到爺爺嫲嫲,只見佢地咩著大抽細抽,好似嚟香港自由行咁,我一問,原來佢地要送幾個背包俾我,我地先在美心吃食d野,當食飽飽後,我從窗外睇到有好多啱啱攞完成績嘅人,有d傷心欲絕,有d卻開心到蹦蹦跳;而爺爺嫲嫲就係度講一d我聽唔明嘅野。喺呢個時候,我只可以一邊等肚裏面嘅食物快d消化,一邊就盼望屋企嘅燈籠d白膠漿快d乾透。
之後,我帶爺爺嫲嫲嚟我地屋企坐坐,佢地同我d家人聊咗一陣計仔之後,就走了。
五點幾時,我要去學童軍,好辛苦呀!好啦,唔講啦,我要瞓,聽日見!
