自從同郁國傑絕交後,我都冇同佢再講過乜野野,但係今日,我又激嬲咗另一位同學了。

   本來今日早上我同隔離都相處得好好,但係喺數學堂時,發生咗一段悲傷嘅小插曲。話說本來俾老師收咗嘅成績表,今日派返,但隔離嗰個貪玩,玩玩下,撕攔咗我張成績表一忽。佢知道自己做錯,就俾咗另一張野我撕返補數,我話過,有人得罪我,我就要十倍奉還,結果,我將佢張野撕成兩半,佢以為我只係係撕小小,結果成張撕,就開始用佢d鼻涕嚟碰我張枱。

   多麼大的侮辱,用鼻涕嚟點我張枱,我又拉佢d衫嚟抺返d鼻涕,結果成堂數學堂都你打我鬥,打打下,佢唔知點解,喊住嚟同我講:「你仲想點呀......」我即時俾佢嘅舉動嚇親,唔敢再整佢,成堂我都聽到佢d喊聲,結果當然俾老師見到啦!老師話咗幾句,好彩呢一個老師係善良嘅老師,冇鬧得咁厲害,換轉係其他老師,一定俾佢鬧到狗血淋頭。

   隔離嗰個喊得好厲害,喊咗成日,我個人認為,男人大丈夫流血不流淚嘛~緃使係咁,我都有嘗試哄佢,但都唔成功,結果我都省返d口水,賴得理佢。

   唉~咁又冇咗個朋友,莫非又係我做錯,諗返起,好似真係我做錯喎~!算啦,都係同周公討論討論啦!