今朝七點幾鐘就要起身食早餐,早餐都幾豐富。食完之後,又係要參加學校搞嘅活動,雖然唔致於話佢無聊,但係一d都唔好玩。

  第一個遊戲叫我是誰,老師攞咗一個我從未見過嘅野,俾我地估下係咩,然之後就叫我地估埋佢有d咩用途,就係因為咁,組長同埋其中一個組員鬧交。第二個遊戲係叫再創高峰,遊戲玩法係叫我地用報紙同埋膠紙,同其他組鬥黏得夠高,結果我地因為因笑其他組整到一半時,就倒咗,令到我地組有一d組員同佢地個組鬥寸。

  之後我地全部都上晒房討論夜晚要表演嘅活動──天才表演,但係有d組員一d都唔合作,大半數組員都走晒去玩,搞到組長都嬲。

  食完午飯後,有一個定向追蹤嘅活動,玩法就係要我地跟住一張地圖搵一d標記,然後寫係一張紙到,好難搵呀,雖然而家係冬天,但係搵個陣時卻好鬼熱,令到有d組員係咁哦,組長又好嬲,不停咁向其中一個組員發火,令到嗰個組員走咗去,再搵咗一陣之後,組長覺得好累,決定返房休息,亂填個張紙。

  結果我地只攞到二分,真係可惜。之後又係營地活動,我地繼續打羽毛球,打得難分難解、你死我活。

  打完之後,有半個鐘頭俾你討論天才表演嘅野,但大家都諗唔到題材,於是大家決定講三隻小豬嘅故事,仲要做埋,食完晚飯之後,就要做天才表演,其他組都做得好好,但係我地個組卻──

  一上到台時,組長諗著做旁白講故事,但係佢講得太快啦,令我地全組都無法走動,結果成條木咁企係到,講完之後,都好瘀咁返返餐桌。

  之後又係澡涼,浴室比琴日更加混亂,水到處潑,潑得周圍都係,搞到當我著好晒衫,準備走出呢個「地獄」時,俾一條水柱擊中,真係可惡。

  今晚瞓覺時,我地都唔敢太過過分,因為有全校最惡嘅訓導主任嚟到。我地組有d人好...我唔知點講,總之佢地上體裸露,不時和其他在一張床上睡。有組員係到不停咁唱歌,唱到走晒音,真係核突。今晚唔知點解我咁早瞓,都唔知幾點鐘就瞓著lu!!