今朝一大早都有乜野發生,直到下午嘅小息時,我同c又發生咗一段小插曲。
話說本來我地全班喺呢個小息都要落圖書館,但係因為我見到有人喺課室裏面佈置聖誔,所以我就下定決心留底係度。課室裏面只有八、九個人係度佈置,有d只喺到玩個d聖誔波,我坐係張枱,睇住d人佈置,突然,有一個男同學攞個d聖誕圈套係我身上,我花咗好耐時間先可以搞得甩。
我同啊c嘅爭執都唔知幾時起,可能大家對大家都看得唔順眼掛~大家就開始你踢我張椅,我推你張枱,等大家打到累之後,c就出咗去,我伸個頭出去望,見到c係唔遠嘅地方望住我,急忙返返嚟,c踢咗我張椅一下。恰巧有個聖誕波滾過嚟,我連忙拾起佢,用盡吃奶嘅力氣用力射向c個度。
我從來都唔知自己嘅瞄準力係咁強,竟然射中c隻手臂,佢連忙拾起四處嘅聖誕波,係咁掟我,我連忙一邊閃避,一邊拾起旁邊嘅聖誕波射出去,就咁樣就變成「聖誕大戰」,就係咁樣你射我避,咁就完咗呢個漫長嘅小息。
由於我係個服務生,所以每縫小息完咗之後,我就要落去拎簿,拎完簿上嚟之後,我發現我張椅唔見咗,剩係見到前方有張椅,有一個好樣衰嘅男仔企咗係上面,我急忙叫佢落返嚟,佢再踩我張椅幾下,然後就落嚟,啱啱老師就嚟到,令到我唔能夠報復。
同老師打完招呼後,我同老師講要用濕毛巾抺返張椅,老師好似知道我嘅心事咁,叫企係張椅嗰個人抺返,啱啱我話嗰個好樣衰嘅男仔,板起臉,急忙攞咗張紙巾幫我抺返。
返到屋企,醒起聽日就教育營,於是我拾好野,一邊拾,一邊期待聽日嘅教育營有幾好玩。
