琴晚好似啱啱瞓落床,就俾呀媽噪醒,我花咗一分鐘先知道今日原來要去劍橋。

  上完劍橋之後,我地要去參觀中學,由於呢個遊學團七點幾就開始咗,又由於我要上劍橋,所以只好臨時插入。媽咪係出門之後好似特別煩躁咁,我唔小心做錯咗d野就俾佢鬧到狗咁,我地要去呢間盧幹庭中學會合佢地,但係去到個到時,佢點仲未到,所以我地只好到處參觀。

  等咗半個鐘頭之後,遊學團終於嚟到啦!我地首先去咗個間學校嘅禮堂聽佢地嘅講座,講者包括有盧幹庭中學嘅同學同埋老師,仲有上年攞到會考成績 9A 1B 嘅何凱琳出嚟演講,大概講咗成一個幾鐘,甚至聽到我有d想瞓,佢地先送埋記念旗就坐旅遊車去到其他學校啦!

  之後去個d中學我都唔係咁記得個名,間間都唔係咁好,有d本來都幾好,但係可惜要行好多樓梯,而且離屋企好鬼遠。

  有間中學都幾好,因為個度有好多禮物送俾你的!

  傍晚時分,我求媽咪唔駛俾我去童軍個度,求咗好耐,佢終於俾我唔去啦!