今日我要去參觀數碼港呀,所以我要比平時星期日更早起身,我去到社區中心準備出發,嚟嘅人大概二十個左右,但領導人話俾我地聽,仲有其他人係唔同地方一齊去數碼港。等咗十五分鐘之後,我地出發踏車啦!
呢一趟車程一d都唔順利,第一,車程又耐,數碼港係香港仔個邊,第二......
話說坐係我隔離嗰個一上車已經有d唔舒服,車程去咗一半時,佢突然打咗一個乞痴,我隻腳即時感覺到有d野淺落我隻腳到,我一開始以為係佢d鼻涕之類個d野,但係當我一望時──
只見三、四滴啡色帶黃嘅嘔吐物係我隻腳到,我再望一下我隔離,佢仲俾我仲慘,佢個袋沾滿比我腳上個d更噁心嘅嘔吐物。車上即時瀰漫著一陣類似mmm嘅氣味,我急忙企起張椅到,但無奈係我坐係窗口旁,無法走出去。我前後左右嘅人都走晒去前面嘅座位到,只有我一個係度挨個陣臭味。我急忙跳到後面嘅座位去,對準冷氣機,不停咁索,先呼吸到一d新鮮嘅空氣。
就咁樣,就落車啦,眼車出現咗一幢好高嘅建築物,我地全部都入晒去,上咗兩層電梯後,就步入一間好大嘅房,裏面有好多電腦,數碼港嘅工作人員叫我地分成兩個人一組,兩個坐係一部電腦到。
之後,個d工作人員就教我地點樣用電腦旁嘅工具,有d會著燈,有d會出聲,有d會做動作。之後,工作人員就教我地砌一部機械車,我開始同組員分工合作,整咗部功能幾好嘅機械車,但係外型就......
整整下,導師同埋工作人員就叫我地食飯,放低手上嘅工作。食完飯之後,我地就去參觀成個數碼港,好大呀!如果唔係有工作人員嘅帶領,我都唔知迷咗幾多次路lu!
參觀完之後,我地上返去整個架討厭嘅機械車,架車有時行行吓就停咗,真係討厭!我地用嚟整架車嘅功能嘅時間多過整外型。最後整咗架外型十分樣衰嘅車出嚟。
之後,我地就比賽賽車,好好玩呀!我地玩到得意忘形。上到旅遊車,我彷彿仲聞到個陣嘔吐味,我後面個兩個女仔不停咁整我個頭,令到我無法係架車上瞓覺。
返到屋企,我終於有得休息啦!!!呢個禮拜真係忙碌!
