上個禮拜教育營育嘅時候,我和另一個同學──郁國傑因少少嘅誤會,搞到返學校個陣時,半句話都冇同我講。

  今朝返學校,因為我要上羽毛球訓練,所以我要比其他學生早半個鐘頭返學校。返學途中,我見到郁國傑(佢同我都係羽毛球隊),但係因為冇野好講嘅關係,我特意同佢保持一小段嘅距離,以免佢突然向後望就望到我。

  返到學校,我地開始訓練,由於我同佢都係同一小組,所以大家都有d尷尬,比八逹通比佢嘅時候,我都冇望佢。

  之後,我地做咗一連串熱身,熱身果然名副其實,真係好熱!~

  我地上返課室後,c......算啦,我都唔想提佢呢個八婆。

  跟著,至到放學,都冇乜特別野發生,放學後,又要去羽毛球隊訓練,當同郁國傑排隊排在一齊,大家都冇望大家,只係默默咁向前行。上到禮堂(我地練羽毛球嘅地方),老師要求兩人一組對打,我立即走過去同另外一個同學一組。

  大概玩咗半粒鐘,老師要我地玩雙打,咁啱我地個組要同郁國傑個一對打,大家嘅憤怒都好似發洩係羽毛球身上,打到「啪啪」聲,最後,我地以六比四勝出。

  郁國傑好似比之前更加氣我,我坐係對住羽毛球嘅一張椅子上,望住另一對打,羽毛球從一邊去到另一邊,我想:難道我同郁國傑嘅友誼真係就咁就完咗?就係為咗一個誤會?一場羽毛球賽?

  諗諗下,一個羽毛球無端端打中我個腦袋,郁國傑發出一陣令人不太舒嘅笑聲。放學後,我特意選咗一條以前好少行嘅路返屋企,雖然呢條要行好耐先行到返屋企,但係我乜野都唔在乎啦!