今日我上到課室,就見到c個衰樣,不過算啦,係呢個時候都唔好講佢。
第一堂係數學堂,其實大致上,我對數學或者數學對我,以經攪得一清二楚,上完數學堂之後,係體育堂。
一落到操場,手好似唔係你咁的,凍到冇知覺,呢堂體育堂主要係教倒立,我都做得不錯(咁當然需要唔該同組嘅同學幫手啦!)
一路上d堂都冇咩特別事,只不過係中文堂時,c無端端話俾老師知,話我小息完之後,將佢本數學簿攞出嚟放係佢張枱,我冇做過當然唔會認,但老師嘅語氣好似信c多過我,簡直唔公平呀!
我同c嘅憎恨好似強烈咗好多,我同c嘅友誼好似嚟到終點,或者,我同c根本就冇咩友誼,尾二個堂係生活教育,班主任好似用個堂嚟教書多過教生活嘅野。
最尾個堂係活動堂,活動堂我地落去電腦室玩,我同兩個女同學一齊玩同一個遊戲,鐘聲響起了,我地只好拾好書包,準備放學。
